Сошиал орчинд өөрийнхөө үзэл бодлыг илэрхийлсэн нэгэн сэтгүүлчийг Монгол Улсын Ерөнхийлөгчийн сонгуульд ХҮН-аас нэр дэвшигч Д.Энхбат цагдаагийн байгууллагад шалгуулахаар өгчээ.

Тодруулбал... Өнгөрсөн сарын 31-ны өдөр ХҮН-аас нэр дэвшигч Д.Энхбат Сүхбаатар аймгийн иргэдтэй уулзалт хийхээр товлосон ч аадар борооны улмаас хойшилжээ. Энэ тэрээр өөрийн цахим хуудаст “Иргэд сонгогчидтой уулзахын өмнөх өдөр Аймгийн Ус цаг уурын газраас агаар зориудаар нөлөөлөн бороо оруулсан тул Баруун-Уртад буух боломжгүй болж, уулзалт хойшлогдлоо” гэж бичжээ.

Энэ талаар сэтгүүлч Ж.Нямсүрэн мэдээлсэн өөрийнхөө цахим хуудаст мэдээлсэн бөгөөд үүнд ХҮН-аас Д.Энхбатын нэр төрд халдсан гэдэг үндэслэлээр цагдаагийн байгууллагад өгчээ.

Ийнхүү үзэл бодлоо илэрхийлснийхээ төлөө цагдаад дуудагдсан сэтгүүлч Ж.Нямсүрэн ... “Өнөөдөр Сүхбаатар дүүргийн цагдаагаас ярьж байна. Энхбат гуайн нэр төрд халдсан гэнэ. Энхбат гуайн уулзалтад бороо нөлөөлсөн гэж өөрөө нүүр номдоо бичсэн. Үүнийг нь мэдээлсэнд ХҮН-ынхан гомджээ. Энхбат гуай өөрөө уулзалтад ус цаг уурчид бороо зориудаар оруулж нөлөөлсөн гэж бичсэн нь үнэн. Удалгүй постондоо эдит хийсэн ч байсан.

Социализмын сайхныг санагалздаг энэ хүн одоо ингээд хэвлэлүүдийн амыг барих гэж оролдож байгаа юм чинь Монгол Улсын Ерөнхийлөгч болчихвол бид бүгд үг хэлэх ч эрхгүй болох юм байна.

Хаа очиж нөгөө хоёр нэр дэвшигч нь элдвээр хэлүүлээд явах ч үг дааж, бусдын үзэл бодлоо илэрхийлэх эрхэнд одоогоор халдаагүй л байна.

Үг хэлэх, үзэл бодлоо илэрхийлэх эрх чөлөө бол ардчилал юм” гэжээ.