Д.Загдраднаа: Хурдны зам цуурсан асуудлыг гүйцэтгэгч компани хариуцна

Нийт нас баралтын хувийг эмнэлгээс гадуур, аврах боломжтой нас баралт эзэлж байна Ш.Баранчулуун: Туул гол руу цутгаж буй бохир ус цэвэрлэгдэж чадалгүй урссаар зарим үед Орхон Туулын бэлчирт хүрч байна Өнөөдөр олон улсын тэг хог хаягдлын өдөр тохиож байна Дайны улмаас түлшний үнэ өсөж буйтай холбогдуулан Австралийн хоёр муж нийтийн тээврийг үнэгүй болголоо Өнөөдөр Хангай, Хөвсгөлийн уулархаг нутаг, Орхон-Сэлэнгийн сав газраар хур тунадас орж, явган шуурга шуурна Монгол Ардын намын дарга Н.Учралыг Ерөнхий сайдад нэр дэвшүүлжээ Г.Занданшатар: Би явж болно, Монгол төр зогсох ёсгүй ЦУОШГ: Цаг агаарт зориудаар нөлөөлж, хур тунадас нэмэгдүүлэх үйл ажиллагаа эхэллээ ГССҮТ-д цус, цусан бүтээгдэхүүнийг дроноор тээвэрлэн түргэн шуурхай хүргэжээ Ус бохирдуулсны төлбөр төлөхгүй бол “Оюу толгой” ХХК-д ус ашиглуулахгүй байх асуудлыг хөндөнө А.Баяр: Насанд хүрээгүй иргэн суррон унахыг бүрэн хориглоно Өнөөдөр зарлан мэдээллийн дуут дохио орон даяар 16:00 цагт дуугарна Н.Учрал: Улс төрийн тоглоом улс орны шоглоом болох учиргүй Ой хээрийн түймэр тавьсан хэргийг шүүхээр шийдвэрлүүлжээ Өнөөдөр ихэнх нутгаар цаг агаар тогтуун байна

Монгол Улс анхны буюу Хөшигийн хөндийн хурдны зам ашиглалтад орохоосоо өмнө цууралт өгсөн талаар бид мэдээлсэн. Тус асуудалтай холбоотойгоор Зам, тээврийн хөгжлийн яамны Авто замын бодлогын хэрэгжилтийг зохицуулах газрын даргын үүргийг түр орлон гүйцэтгэгч Д.Загдраднаа мэдээлэл өглөө.

Тэрээр "Улаанбаатараас Хөшигийн хөндий чиглэлийн 32.2 км-ийн зам БНХАУ-ын хөнгөлөлттэй зээлийн хөрөнгө оруулалтаар 2015 оны 9 сард гэрээ байгуулагдаад 2016 онд барилгын ажил эхэлсэн. 2019 оны есдүгээр сард ашиглалтад орсон бөгөөд цар тахалтай холбоотойгоор энэ зам ашиглагдаагүй.

Өнөөдрийн үүссэн нөхцөл байдал нь замын дагуу хагарал гарсан. Замын ирмэгээс 3.5 метрт 115 метр орчим дагуу хагарал үүссэн. Энэ нь зам барилгын ажил буюу технологитой холбоотой асуудал. Гүйцэтгэгч болон төслийн зөвлөгч компани газар дээр нь очиж ажилласан бөгөөд холбогдох засварын ажлын төлөвлөгөөг гаргаж ажиллаж байна.

Мөн холбогдох газруудын ажлын хэсэг байгуулагдаад дүгнэлтээ боловсруулж байна. Ойрын хугацаанд дүгнэлт гарах бөгөөд засварын ажлыг хийж дуусгана. Урьдчилсан дүгнэлт эцсийн байдлаар гараагүй байна.

Өнгөрсөн жилээс нарийхан хагарал үүссэн байсан. Өнгөрсөн жилээс гүйцэтгэгч компани тухайн үед нь нөхөөс хийж засварласан байсан ч энэ жил хагарлын хэмжээ томорсон байсан. Баталгаат засварын хугацаанд гүйцэтгэгч компани үүнийг хариуцах ёстой. Тус компани хөдөлгөөн нээхээс өмнө засварын ажлыг дуусгахаа мэдэгдсэн” гэв.

Улаанбаатар хот Хөшигийн хөндийн олон улсын шинэ нисэх онгоцны буудлыг холбосон хурдны авто зам нь “Яармагийн товчоо-Айцын даваа-Түргэний гүүр-Бөхөгийн хөтөл-Хөшигийн хөндий” гэсэн чиглэлд 32.2 км урт, асфальтбетон хучилттай, зорчих хэсгийн өргөн 31 метр, 2 урсгал зургаан эгнээтэй. Үндсэндээ 80 см орчим инженерийн хийцтэй даацын үетэй юм. Мөн хурдны замын ажлын нийт өртөг нь 140.3 сая ам.доллар бөгөөд барилгын ажлыг 3 жилийн хугацаанд гүйцэтгэж 2019 оны долоодугаар сарын 3-ны өдөр улсын комисст хүлээлгэж өгсөн байдаг.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.