Коронавирусийн сүүлийн 24 цагийн нөхцөл байдлыг ЭМЯ-наас танилцууллаа.

Сүүлийн 24 цагт 10 700 хүнээс шинжилгээ авахад 1393 тохиолдол шинээр бүртгэгдэж, нийт тохиолдол 63 978 боллоо. Улаанбаатар хотод 1092 тохиолдол батлагдлаа. Шинээр илэрсэн 1,393 тохиолдлыг задалж үзвэл 1,091 нь дотоодоос, зөөвөрлөгдсөн хоёр тохиолдол байна. Тавдугаар сарын 29-ний өдөр Сөүл-Улаанбаатар чиглэлийн нисэх онгоцоор ирсэн хоёр иргэнээс коронавирус илэрчээ. 

Хөдөө орон нутагт халдварын тархалт эрчимжиж, 299 тохиолдол батлагдлаа. Төв аймагт хамгийн олон буюу 109 хүн халдвар авсан нь батлагдлаа. Мөн Орхонд 50, Дархан-Уулд 2, Хөвсгөлд 7, Булганд 32, Сэлэнгэд 8, Хэнтийд 9, Өвөрхангайд 1, Говь-Алтайд 4, Баянхонгорт 25, Увсад 23, Ховдод 19 тохиолдол шинээр батлагдлаа. 

Мөн 463 хүн эдгэрч эмнэлгээс гарсан бол 6 хүн амь насаа алджээ.