Сүүлийн үед төрийн тэргүүн маань гавьяа шагналыг гарын салаагаар урсгаж байгаа гэхэд хилсдэхгүй. Тодруулбал, Монгол Улсын Ерөнхийлөгч Х.Баттулга тавдугаар сарын 26-наас эхлэн Алдарт эхийн одон болон төрийн өндөр шагналыг ар араас нь гардуулж байгаа бөгөөд энэхүү төрийн шагнал, одон медал гардуулах үйл ажиллагаа энэ сарын 6-ныг дуустал үргэлжилнэ. 

Үүний улмаас сар хүрэхгүй хугацааны өмнө коронавирусний халдварын тархалтаас болж хөл хорио тогтоож байсан нийслэл хотын төв талбайд түм түжигнэж, бум бужигнаж байна. Олон өдөр үргэлжилж байгаа энэхүү үйл ажиллагаатай холбогдуулан иргэд цахим орчинд өөрсдийн сэтгэгдлийг үлдээж эхэлж байна.

Цахим орчинд иргэд "Үнэхээр юм хийсэн бүтэсэн чаддаг хүнийг шагнах нь тийм ч буруу зүйл бас биш л дээ. Гэхдээ  хөл хорио бүрэн тавигдаагүй, хүүхэд хөгшчүүдээ бодмоор байна. Шагналыг ингэж олноор нь өгөх нь тэршагналын үнэ цэнийг алдагдуулж байна. Өдөр бүр шагнал гардуулж, олон нийтийг цуглуулсан нь халдвар нэмэгдэх эрсдэл бий болгож байна. Өдөрт бүртгэгдэж байгаа халдварын тоо 1000, 1000-аар нэмэгдэж байгаа нь олон хүн нэг дор цугларч байгаа нь эрсдэлийг улам бүр нэмэгдүүлж байна. Хавтгайрсан шагналын хураа зогсоож, хүний бөөгнөрөл үүсгэхгүй байя. Өдөр бүр нэмэгдэж байгаа халдварын тоогоо багасгамаар байна. Хаа хаанаа ухамсартай бая гэх мэтээр өөрсдийн үзэл одлыг идэрхийлсээр байгаа юм.