ХҮН-аас нэр дэвшигч Д.Энхбат гэр бүл болон бусад хүмүүсийн хамт КОВИД 19-ийн халдвар авч тусгаарлалтад орсон. Ингэхдээ “сонгуулийн сурталчилгаан үеэр тогтмол шинжилгээ өгч байсан. Хариу сөрөг гараад хөдөө яваад эерэг хариутай хотод ирлээ” гэж мэдээлсэн. Түүний энэ үгийг нийт буруутгаж байгаа.

Тэгвэл УИХ-ын гишүүн асан Л.Гүндалай өөрийн байр суурийг сошиал орчинд илэрхийллээ. 

Л.Гүндалай... Би нэр дэвшигч Д.Энхбатын тухай өмнө нь Ц.Элбэгдоржийн хүн гэж ярьж байсан.  Энэ удаад хөдөөний хүн, эмч хүний хувьд зайлшгүй үг хэлэх шаардлагатай боллоо.

Нэгдүгээрт.. Д.Энхбат өөрөө маш хариуцлагагүй. Урьдчилан сэргийлэх вакцинаа хийлгэх ёстой байсан ч энэ хүн вакциныг эсэргүүцдэг болохоор хийлгээгүй байсан. Ингээд нэр дэвшихээр болонгуутаа дөнгөж 1-р тунгаа хийлгээд явсан. Ингээд хөдөө яваад халдвар авсан. Ингэхдээ Нэр дэвшигч Д.Энхбат хөдөөнийхөн надад халдвар өгчихлөө гэж хэлсэн. Ингэснээрээ Д.Энхбат бол иргэдийг хот, хөдөөгийнхөн гэж ялгаварладаг болох нь харагдаж байгаа юм.

Хоёрдугаарт... Д.Энхбат шинжлэх ухаанд итгэдэг гэж хэлж байсан ч шинжлэх ухаанд итгэдэггүй гэдгээ харууллаа. Уг нь өдий насны хүн 2-р тунгаа хийлгэчихсэн байх ёстой. Би бол 2-р тунгаа хийлгээд бараг 2 сар болж байна. Д.Энхбат бол туйлын хариуцлагагүй, ард иргэдийг хот, хөдөөгийн гэж ялгаварладаг, түүний ил тод харуулсан.

Ер нь бол Д.Энхбат өөрийнхөө хариуцлагагүй байдлаасаа болж КОВИД тусчихаад буруугаа иргэд рүү нялзаах хэрэггүй. Ийм хүн Ерөнхийлөгчид нэр дэвшиж байгаад харамсаж байна” гэлээ.