Ерөнхийлөгч Х.Баттулгын бүрэн эрхийн хугацаа удахгүй дуусна. Түүний бүрэн эрхийн хугацаанд Монгол улсын гадаад харилцаа зогсонги байдалд орсон тухай олон улсын судлаачид дүгнэдэг.

Үүнийг өчигдөр өгсөн ярилцлагадаа Ерөнхийлөгч Х.Баттулга хүлээн зөвшөөрлөө.

Тэрээр... “Монгол Улсын Ерөнхийлөгч гадаадад айлчлал хийхэд манай улсын эдийн засаг, улс төрийн нөхцөл байдал, Ерөнхийлөгч нь ямархуу хүн бэ гэдэг мэдээллийг агуулсан танилцуулга нөгөө улсын  Ерөнхийлөгчид очдог. Ядуурал нь тэд, авлигалд идэгдчихсэн, баян орон мөртлөө иргэд нь ядуу амьдардаг гэдэг танилцуулга нь очсон байхад үнэтэй зангиа зүүчихсэн, үнэртэй ус үнэртүүлсэн нэг тийм ганган хүн очоод яриад байхаар өмнөөс нь санаа зовдог. Ийм санаа зовсон бодол миний урд талын Ерөнхийлөгчийн үед надад буудаг байсан юм. Тиймээс миний хувьд гадаад харилцааны асуудлаар сурталчилгаа хийлгүйгээр хоёр хөрш, Энэтхэг, АНУ, Европ гэсэн тал дээр айлчлал хийсэн” гэлээ.

Ерөнхийдөө гадаад айлчлалыг хумьсан гэж хэлээд байгаа юм. Ерөнхийлөгч гадаад айлчлал хийхгүй байхаар дэлхийн бусад улстай улстөрийн харилцаа хязгаарлагдмал болж байгаа. Х.Баттулга Ерөнхийлөгч байх хугацаандаа ОХУ-руу нэг, БНХАУ-руу хоёр, Энэхтэг рүү нэг, АНУ-руу нэг удаагийн айлчлал хийсэн. Товчхондоо 4 жилийн хугацаанд 5 удаагийн айлчлал хийсэн бөгөөд эдгээр айлчлалууд Монгол Улсын гадаад харилцааг шинэ түвшинд гаргаж чадаагүй гэж судлаачид дүгнэж байгаа. Өөрөөр хэлбэл Х.Баттулга үе үеийн Ерөнхийлөгчдийн дундаас гадаад харилцаанд хамгийн муу ажилласан Ерөнхийлөгч болж үлдэж байна.