Өнөөдөр ХҮН-аас Монгол Улсын Ерөнхийлөгчийн сонгуулийн талаар мэдээлэл хийлээ. 

Тус намын дарга Т.Доржханд "Монголчууд шинэ Үндсэн хуулийн хүрээнд анх удаа Ерөнхийлөгчөө 6 жилээр сонгож байна. Энэ удаагийн сонгууль сүүлийн 30 жилд хийгдсэн сонгуулиудаас маш ялгаатай гэж бид дүгнэж байгаа. Ямар нэгэн байдлаар бие биенийгээ гүтгэж, харлуулсан, дайрч давшилсан тохиолдол гарсангүй. Маш зардал багатай сонгууль боллоо. Бид технологийн дэвшлийг ашиглан сонгуулийг гар утсаар явуулахыг хүссэн ч тэгэх боломж нь байсангүй. 

Бидэнд итгэл хүлээлгэж сонголт хийсэн нийт иргэддээ талархаж байна. Бид бодлогоороо, зарчмаараа, үнэт зүйлээрээ өрсөлддөг үнэт зүйлийг монголын улстөрд түгээж чадна гэх итгэл үнэмшлийг авч чадлаа. Цаашид Монголын улс төрд шинэ салхийг салхилуулах, эрүүл зөв хүмүүсийг энэ эвслээс цаашид нэр дэвшүүлэх болно.

Мөнгөгүйгээр иргэдийн оролцоотойгоор сонгуульд оролцож болно гэдгийг харууллаа.  Бид ялагдсан биш Монголын улс төрд ахиц түвшнийг оруулж чадсан. Монгол Улсын төрийн тэргүүний босго нь өндөр байг. У.Хүрэлсүхийн, эрх барьж байгаа намын ачаа маш өндөр боллоо. ХҮНам  зөв зүйлд нь дэмжээд, буруу зүйлд нь сөрөг хүчнийхээ байр сууриар шүүмжилж явах болно” гэлээ.