Цар тахалтай тэмцэх хамгийн оновчтой арга зам бол иргэдээ вакцинжуулах хэмээн Засгийн газраас энэ чиглэлд тодорхой хэд хэдэн арга хэмжээ авч амжив.  Хэдий вакцинжуулах арга хэмжээ эрчимтэй байгаа ч халдвар авсан иргэдийн тоо, нас баралт өдрөөс өдөрт нэмэгдсээр буй. Улсын онцгой комиссоос холбогдох бүхий л арга хэмжээг авч, аль болох хөл хорио тогтоохгүй байх чиглэлийг барьж, иргэд хариуцлагатай байж амны хаалтаа зүүх, дэглэмээ сахихыг анхааруулан мэдээлсээр л байна.

Халдварын тоо нэмэгдэхэд улс төрийн зарим үйл явдал нөлөөлсөн байхыг үгүйсгэхгүй. Түүний нэг нь Ерөнхийлөгч Х.Баттулга 20 өдөр шагнал гардуулж, орон даяар шагналын хур буулгалаа. ЭМЯ-ны мэдээллээр 5-р сарын сүүл болон 6 сарын эхээр халдвар авсан хүмүүсийг тоо нэмэгдэж, мөн өдрүүдэд халдвараар өвчилсөн хүмүүс нас барж байна. 2021 оны Ерөнхийлөгчийн ээлжит сонгууль хэдийгээр хорио цээр дэглэмийн дагуу болж өндөрлөсөн ч олон нийт нэг дор цугласан нь ковидод нөлөөлөхийг үгүйсгэх аргагүй юм. Тав, зургадугаар сард Ерөнхийлөгч Х.Баттулга буухаасаа өмнө олгосон хур их шагнал хүмүүсийн бөөгнөрлийн их үүсгэсэн нь одонтой ээжүүдээс ковидын халдвар олноор илэрснээс харж болно. Улаанбаатар хот төдийгүй хөдөө орон нутгуудад шагналын хур буусан юм.

Өдгөө дэлхий нийтийг хамраад коронавирусээс хамгаалах гол арга бол иргэн хүний өөрийн хариуцлага, халдвараас хамгаалах дэглэмээ сахих юм.