ҮСХ: Өрхийн орлого нэг жилийн хугацаанд 58,600 төгрөгөөр буурсан

Олон улсын стандартад нийцсэн анхны шүүхийн зориулалттай цогцолбор барилга Архангай аймагт ашиглалтад орлоо "1072 хувьцаа" нээлттэй өдөрлөг Дархан, Орхон, Сэлэнгэ аймагт зохион байгуулагдана Онцгой байдлын алба хаагчид 5 иргэнийг авран хамгаалж, 27 иргэнийг утаажилтын бүсээс гаргалаа Монгол Улсын Ерөнхий сайд Н.Учрал Япон Улсад албан ёсны айлчлал хийнэ Нийтийн тээврийн зарим чиглэлд шинээр зогсоол нэмэгджээ Нийтийн тээврийн зарим чиглэлд шинээр зогсоол нэмэгджээ УИХ-ын дарга С.Бямбацогт: Парламентын үйл ажиллагааг олон нийтэд илүү ил тод, хүртээмжтэй болгоход залуусын оролцоо, шийдэл чухал ач холбогдолтой Ерөнхийлөгч У.Хүрэлсүх НҮБ-ын Ерөнхий нарийн бичгийн даргатай уулзлаа Нийслэлийн есөн дүүргийн 152 цэгт шинэ ургацын ногоо худалдаалж байна ОБЕГ: Эрдэм шижилгээний хуралд оролцохыг урьж байна Хууль зүй, дотоод хэргийн салбарын Нягтлан бодох бүтгэлийн нэгдсэн цахим системийг нэвтрүүллээ Т.Жамбалцэрэн: Монгол малчид дөрвөн улирлын онцлогт тохируулан бэлчээр сэлгэж, улирлын нүүдэл хийж ирсэн улалмжлалтай. Ингэснээр бэлчээрийг амрааж, хөрсийг нөхөн сэргээх боломж бүрддэг Нэгдсэн хүчээр илүү сайхан, энх амгалан дэлхий ертөнц бүтээхийг уриаллаа Улаанбаатарт оройдоо бага зэргийн бороо орно Өнөөдөр ихэнх нутгаар цаг агаар тогтуун, өдөртөө дулаан байна

Үндэсний статистикийн хорооноос Өрхийн нийгэм, эдийн засгийн судалгааны 2021оны 1 улирлын танилцуулгыг хийлээ. Энэ үеэр өрхийн сарын дундаж нийт орлого, оны үнээр 1.5 сая төгрөг болж, өмнөх оны мөн үеэс 58.6 (3.9%) мянган төгрөгөөр буурч, харин өмнөх улирлаас 25.5 (1.8%) мянган төгрөгөөр нэмэгдсэн үзүүлэлттэй байгааг танилцууллаа.

Улсын дунджаар 2021 оны эхний улирлын байдлаар өрхийн сарын дундаж нийт орлогын 92.3 хувийг мөнгөн орлого, 3.1 хувийг бусдаас үнэгүй авсан хүнсний болон хүнсний бус бүтээгдэхүүн, 4.6 хувийг өөрийн аж ахуйгаас хэрэглэсэн хүнсний бүтээгдэхүүн эзэлж байна. Өрхийн сарын дундаж нийт орлогыг хот, хөдөөгөөр нь авч үзвэл, хотод 1.5 сая төгрөг, хөдөөд 1.3 сая төгрөг байна. Хотын өрхүүдийн сарын дундаж нийт орлого хөдөөгийн өрхүүдээс 211.5 (16.2%) мянган төгрөгөөр их байна.

Өрхийн сарын дундаж мөнгөн орлогыг бүтцээр нь авч үзэхэд, 2021 оны эхний улиралд цалин хөлсний орлого 51.3 хувь, тэтгэвэр, тэтгэмжийн орлого 27.0 хувь, хөдөө аж ахуйн үйлдвэрлэлийн орлого 8.0 хувь, хөдөө аж ахуйн бус үйлдвэрлэл, үйлчилгээний орлого 5.6 хувь, бусад орлого 8.1 хувийг тус тус эзэлж байна.

Харин өрхийн нийгэм, эдийн засгийн судалгааны 2021 оны эхний улирлын дүнгээр өрхийн сарын дундаж нийт зарлага, оны үнээр 1.5 сая төгрөг болж, өмнөх оны мөн үеэс 105.1 (6.7%) мянган төгрөгөөр буурч, харин өмнөх улирлаас 2.7 (0.2%) мянган төгрөгөөр нэмэгджээ.

Улсын дунджаар 2021 оны эхний улирлын байдлаар өрхийн сарын дундаж нийт зарлагын 92.4 хувийг мөнгөн зарлага, 3.1 хувийг бусдаас үнэгүй авсан хүнсний болон хүнсний бус бүтээгдэхүүн, 4.5 хувийг өөрийн аж ахуйгаас хэрэглэсэн хүнсний бүтээгдэхүүний зарлага эзэлж байна.

Улсын хэмжээнд 2021 оны эхний улирлын байдлаар нийт өрхийн 53.8 хувь буюу 489.5 мянган өрх зээлтэй амьдарч байгаа нь өмнөх оны мөн үеэс 7.9 пунктээр буурсан байна. Нийт зээлтэй өрхийг зээлийн төрлөөр нь авч үзэхэд 218.3 (44.6%) мянган өрх цалингийн зээлтэй, 160.5 (32.8%) мянган өрх бусад төрлийн зээлтэй, 97.4 (19.9%) мянган өрх хэрэглээний зээлтэй, 93.0 (19.0%) мянган өрх орон сууцны зээлтэй, 48.9 (10.0%) мянган өрх тэтгэврийн зээлтэй байна.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.