Засгийн газрын ээлжит хуралдаан өнөөдөр болж байна. Хуралдаанаас гарсан шийдвэрийн талаар 11.40 цагт мэдээлэл хийнэ. Өнөөдрийн хуралдаанаар Covid-19 халдварын нөхцөл байдал, авах арга хэмжээний талаар хэлэлцэж байгаа юм.
Улсын онцгой комиссоос халдвар хамгааллын дэглэмийг сахиулах үүднээс үйлчилгээний газруудад хяналт тавих, зарим салбарын үйл ажиллагааг хязгаарлахаар болсон билээ. Тухайлбал, хоол үйлчилгээний газар түр хугацаанд зааланд үйлчлэхийг хязгаарлах, амралт, жуулчны баазын үйл ажиллагааг хязгаарлах зэрэг арга хэмжээ авах саналаа Засгийн газарт хүргүүлсэн.
Энэ бүх асуудлыг Засгийн газар хэлэлцэж, шийдвэр гаргах юм байна.