Сүүлийн нэг сар гаруйн хугацаанд нийслэл хотод бүртгэгдэж байгаа коронавирусний халдварын тархалт эрс нэмэгдэж өдөрт бүртгэгдэх халдварын тоо 2.000-аас буухаа больсон.

Улмаар сумо бөхийн 68 дахь аварга Асашёорюү Д.Дагвадорж ЭМЯ-тай хамтран  "Аса станц"-ыг ажиллуулан иргэдэд коронавирусний цар тахалтай холбоотой сүүлийн үеийн мэдээ мэдээллийг хүргэж эхэлсэн билээ. Тэрээр " Аса станц "-ынхаа хөтлөгчөөр ажиллаж албаны хүмүүсийг иргэдтэй шууд холбож шаардлагатай мэдээллийг цаг алдалгүй хүргэх зорилготой хэмээгээд ХӨСҮТ-ийн захирал Л.Баттөр тэргүүтэй хүмүүсийг урьж оролцуулаад байгаа юм.

Тэгвэл аса аварга нийслэлийн нөхцөл байдлыг гарын хуруу шигээ мэдэх ёстой хотын дарга ахыгаа яагаад урихгүй байна вэ?  

Өнөөдөр Монгол Улсын хүн амын талаас илүү хувь нь ажиллаж амьдарч байгаа нийслэл хот хэдийнээ цар тахалыг томоохон голомт болчихсон. Хэдийгээр Засгийн газар, УОК, ЭМЯ хамтран ажиллаж нийслэлийн иргэдийнхээ  90 гаруй хувийг вакцинжуулалтанд хамруулсан ч Ерөнхийлөгчийн сонгуулийн сурталчилгаа, хавтгайрсан шагналын хур зэрэг ар араасаа нэг дор олон хүн цуглуулсан үйл ажиллагаануудаас болж иргэдийн дунд халдвар ихээр тархаж байгаа талаар Эрүүл мэнд, онцгой байдлын мэргэжлийн байгууллагын Тандалтын багаас гаргасан байдаг.

Түүнчлэн халдвар эрчимтэй нэмэгдэж байгаагийн улмаас зарим иргэд гэрээр эмчлүүлж эхэлсэн.  Цаг үе ийм хэцүү байхад эрхэм хотын дарга ковидгүй хотод байгаа юм шиг хаа нэг цахим хуралд оролцож эсвэл зам барилга гэх мэт ажил яриад л явж байх юм.

Үнэхээр л иргэддээ үнэн бодит мэдээллийг хүргэхийг зорьж байгаа бол эхрэм аварга та хүндэт хотын даргыг өөрийн өмнө суулгаад иргэдийнхээ эрүүл мэндийн төлөө чухам ямар ажил хийж байгаа, хийхээр төлөвлөсөн  зэргийг тодруулж өгнө үү.