Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг танилцууллаа.

УОК-ын нарийн бичгийн дарга Т.Баярхүү "Сүүлийн 24 цагт коронавирусийн халдвар илрүүлэх зорилгоор шинжилгээ хийх явцад 2,213 хүнээс халдвар илэрлээ. Нийт халдварын тоо улсын хэмжээнд 100,263 болж байна. 2,213 тохиолдлын 2,203 нь дотоодын халдвар бөгөөд эрүүл мэндийн есөн ажилтан ажлын байран дээрээ халдвар авч, гадаадаас зөөвөрлөгдсөн нэг тохиолдол бүртгэгджээ. Дотоодын халдваруудыг задалж танилцуулбал, Улаанбаатар хотод 1.179 бүртгэгдсэн бол орон нутагт 1.024 нь орон нутагт бүртгэгдлээ. 

Сүүлийн 24 цагт эмнэлгээс 621 хүн эдгэрэн гарсан бол 569 хүн гэрийн хяналтаас гарлаа. Халдварын улмаас 12,479 хүн эмнэлэгт хэвтэн эмчлүүлж байгаагаас  8.070 хүний биеийн байдал хөнгөн, 3.149 хүний биеийн байдал хүндэвтэр, 1.053 хүний биеийн байдал хүн байгаа бол хүний биеийн байдал нь маш хүнд 207 хүн байна.

Мөн өнгөрсөн хоногт халдварын улмаас 37-83 насны 10 хүн нас барсан. Нас барсан иргэд эмнэлэгт хэвтэн эмчлүүлж байсан бөгөөд талийгаачдын ар гэр, төрөл төрөгсдөд гүн эмгэнэл илэрхийлье" гэлээ.