Өнөөдөр Сүхбаатарын талбайд бизнес эрхлэгчид “Тэвчээр тасарлаа” уриатай хөдөлгөөнийг эхлүүлж байгаагаа танилцуулан УОК болон Засгийн газраас гаргаж байгаа шийдвэрүүдийг эсэргүүцэж байгаагаа илэрхийлсэн юм.

Улмаар Д.Амартүвшин "Бидний бизнес, санхүү, хүсэл мөрөөдөл бүгд гацсан тул бид гашуудал зарлаж байна. Бид үүнээс илүү тэвчихгүй нь. Дарга нар наадам хийдэг, дарга нар жагсаж болдог харин иргэд хоригддог юм байна. Биднийг нэг жил зургаан сар хааж, хорьсон. Бид ажлаа эхэлмээр байна. 

Өнөөдрийн хөдөлгөөнд оролцсон бизнес эрхлэгч "Бизнес эрхлэгчид байр, машин, өөрт байгаа зүйлсээ зараад жил зургаан сарыг даван тууллаа. Өнөөдрөөс цааш бид тэвчихгүй нь ээ. Одоо зарах зүйл үлдсэнгүй. Бид төрөөс халамж, мөнгө хүсээгүй. Бид ажлаа эхлүүлмээр байна.  PC-ийг яагаад хаагаад байгааг ойлгохгүй байна. 1024 бөх барилдуулах, PC-нд хоёр компьютерийн зайтай хүн суулгах ялгаатай шүү дээ. Ресторанд ч гэсэн архи, дарсаар үйлчилдэг. Бар ямар ч ялгаагүй. Гагцхүү ажиллах цаг нь л өөр. Шаардлагын хариу өгөхгүй бол дараа долоо хоногийн Даваа гаригт энэ талбай дээрээ шоронд ороод, торгуулаад ч хамаагүй жагсаал хийнэ. Бид нар хоолныхоо төлөө тэмцэхгүй бол өөр хэн тэмцэх юм бэ? Дараа долоо хоногт шаардлага биелүүлэхгүй бол бид энхийн бус яг жагсаал цуглаанаар тэмцэнэ. Ямар ч ойлгомжгүй хөл хориог чинь бид удаан тэвчлээ" хэмээн бизнес эрхлэгчдийг төлөөлөн үзэл бодлоо илэрхийлсэн юм.