Засгийн газар 2021.06.30-ны өдөр хуралдаж, Монгол Улсаас гадаадад суух 25 Элчин сайдыг томилж байгаа талаар бид мэдээлсэн.

Тэгвэл Монгол Улсыг төлөөлөн суух элчин сайдууд дунд гэмт хэрэгт холбогдож байсан хүн байгаа талаар зарим хэвлэл мэдээллийн хэрэгслүүд мэдээлж байна. 

Тодруулбал, Засгийн газрын шийдвэрээр Кувейтэд Элчин сайдаар томилогдож буй Н.Наранбат нь Чехэд Элчин сайд байхдаа эхнэр Б.Батгэрэлийн хамт хар тамхи, контарбандын хэрэгт холбогдож, 2019 онд түүнийг ГХЯ-наас эгүүлэн татаж байсан намтар түүхтэй хүн аж.

Тэр бүү хэл Польшийн Цагдаагийн газраас түүнийг хууль бус эд зүйл, тамхи, хар тамхи зөөвөрлөсөн хэргээр эрэн сурвалжилж байжээ. 

Уг мэдээлэлтэй холбогдуулан иргэд эх орноо төлөөлөх өөр хүн олдохгүй байгаа юм уу? Биднийг төлөөлөх хүнийг ийм хөнгөн ар өврийн хаалгаар сонгож болохгүй, шинэ Ерөнхийлөгч У.Хүрэлсүх Монголын дипломат албанд их цэвэрлэгээ хийх цаг нь болсон гэх мэтээр шүүмлэн өөрсдийн байр суурийг илэрхийлсээр байна.