Шадар сайд С.Амарсайхан болон холбогдох албаныхан Төв аймгийн Онцгой комиссын шуурхай штабын үйл ажиллагаа, бэлэн байдал, ажиллаж буй нөхцөл байдалд шалгалт хийжээ.

Энэ үеэр Шадар сайд С.Амарсайхан Төв аймгийн шуурхай штбаыг амралтын байдлаа зогсоож бүрэн бүрэлдэхүүнээрээ ажиллахыг хатуу санууллаа. 

Тэрээр "Пост дээр хяналт тавьж байгаа алба хаагч чинь хүртэл хэн гэдэг хүн шуурхай штбат ажиллаж байгаа талаар мэдээлэлгүй сууж байна. Албаны зохион байгуулалтгүй, энгийн жижүүрийн үүрэг гүйцэтгээд сууж байж болохгүй. Аймаг, орон нутгийн удирдлагууд нутаг дэвсгэртээ халдварын эрсдлийг бууруулах, иргэнийг эрсдэлгүй боломж нөхцөлөөр хангах, зөвлөмж зөвлөгөө өгч ажиллах ёстой. Ийм тархай бутархай, нүүдэлчин маягаар ажиллахгүй шүү. Яаралтай зохион байгуулалтаа сайжруулж, Шуурхай штабын үйл ажиллагааг жигдрүүл. Шаардлагатай зохион байгуулалт хийхгүй бол дараагийн арга хэмжээг авч, хариуцлага тооцно" хэмээн хатуухан үг хэлсэн юм.