ЭМЯ-аас сүүлийн 24 цагийн хугацаанд коронавируст халдварын 1,171 тохиолдол бүртгэгдсэн талаар мэдээллээ. Ингэснээр улсын хэмжээнд нийт бүртгэгдсэн халдварын тоо 148,424 болж байна.
Шинээр бүртгэгдсэн 1,171 тохиолдлын 544 нь Улаанбаатар хотод бол аймаг орон нутагт 627 тохиолдол бүртгэгджээ.
Одоогоор эмнэлэгт 10,013 хүн хэвтэн эмчлүүлж байгаагаас хөнгөн 5,897, хүндэвтэр 3,016, хүнд 892, маш хүнд оноштой 208 хүн байна.
Түүнчлэн өнгөрсөн хоногт 3,489 хүн эдгэрсэн бол 6 хүн коронавируст халдварын нэн хүнд хэлбэрээр нас баржээ. Өнөөдрийн байдлаар улсын хэмжээнд коронавируст халдварын шалтгаант нас баралт нийт 740 болсон байна. Нас барсан иргэдийн гэр бүл, төрөл төрөгсдөд гүн эмгэнэл илэрхийлье.