Энэ сарын эхээр шатахууны үнэ литр тутамдаа 300 төгрөгөөр нэмэгдсэн ч алдагшдалтай ажиллаж байгаа учир цаашид дахин нэмэгдүүлэх шаардлагатай хэмээн үзэж байгаа талаар шатахуун импортлогч ААН-үүд мэдэгдсэн. Гэтэл ОХУ ирэх есдүгээр сарын 1 хүртэл АИ-95, АИ-98 авто бензиний экспортоо хязгаарлаж байгаатай холбогдуулан шатхууны үнэ дахин нэмэгдэх эрсдэл үүсээд байгаа юм.  Энэ талаар АМГТГ-ын орлогч дарга Ц.Эрдэнэбаяр тайлбар өглөө.

Тэрээр “ ОХУ-ын Эрчим хүчний яам автобензины экспортод хориг тавих асуудал яригдаж байгаа. Манай улс 07, 08 дугаар сард ОХУ-аас АИ 95 автобиензин авч, нөөц бүрдүүлэхэд хүндрэл үүссэн. Тиймээс бид нөөц бүрдүүлэхээр БНХАУ-ын төрийн өмчит Чайна Ойл компанитай хэлэлцээр хийж, хамтарч ажиллахаар болж байна. Улсын хэмжээнд АИ 95, АИ92, АИ98, дизель түлшний 30 байгаа. Тиймээс шатахууны хомсдол үүсэхгүй. 

Манай улсын хувьд жилд 60 гаруй мянган тонн газрын тосны бүтээгдэхүүн БНХАУ-аас авдаг. БНХАУ-аас авах газрын тос ОХУ-аас авах газрын тосны үнээс зөрүү бараг байхгүй. Хамгийн гол нь бид нөөцийг тасалдуулахгүй байхыг зорьж ажиллаж байна.

Сүүлд орж ирсэн газрын тос 733 ам.доллар болж өссөн. Энэ нь өмнөх авснаасаа 38 ам.доллараар өссөн үнэ юм. Мөн шатахуун импортлогч аж ахуйн нэгж, холбоодоос ажил хаях, цуглаан хийх талаар мэдэгдэл ирүүлээгүй” гэлээ.