УИХ-ын гишүүн Д.Цогтбаатар Европын холбооны Хүний эрхийн дээд шагнал хүртлээ

Засгийн газрын Хяналт хэрэгжүүлэх газартай хамтран ажиллах санал солилцлоо AI, өгөгдөл, дрон, кибер аюулгүй байдлын мэргэжил эрэлттэй байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Японы эзэн хаан, хатан хаан долдугаар сарын эхээр Монголд айлчилна Хоёрдугаар сарын 1-нээс нийтийн тээврээр 1000 төгрөгөөр өдөрт дөрвөн удаа зорчино Хүндэтгэх шалтгаанаар нийслэлд 48 цагаас дээш хугацаанд зорчсон орон нутгийн тээврийн хэрэгсэл 5000 төгрөгийн хураамж төлөхгүй Вашингтон хотод газардах гэж байсан зорчигч тээврийн онгоц нисдэг тэрэгтэй мөргөлдөн осолджээ Нийтийн эзэмшлийн зам талбайг зөвшөөрөлгүй ашиглаж байгаа зөрчлийг арилгуулж байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Олон улсын өсвөрийн энтрепренерүүдийн уралдаан зарлагдлаа Олон улсын шуудан илгээмжээр дамжуулан мансууруулах бодис улсын хилээр нэвтрүүлсэн хэргийг шүүхэд шилжүүлжээ Ойрын хоногуудад нутгийн баруун хагаст өдөртөө хүйтний эрч бага зэрэг суларна Нидерландад бүлэг хулгайч нар 2500 жилийн настай алтан дуулга болон бусад эртний эдлэлийг тоножээ ФОТО: Хүүхдийн гэгээлэг ертөнц ФОТО: Хүүхдийн гэгээлэг ертөнц

Европын холбооны Хүний эрхийн дээд шагналыг УИХ-ын гишүүн Д.Цогтбаатар хүртлээ.

Шагналыг Европын Холбооноос Монгол Улсад суугаа анхны суурин Элчин сайд, Траян Лауренцю Христеа энэ сарын 5-нд гардуулсан юм.

УИХ-ын гишүүн Д.Цогтбаатар нь хүний эрхийг хамгаалах талаар НҮБ, Европын холбоо болон бусад олон улсын байгууллагатай нягт хамтран ажиллаж ирсэн. Тухайлбал, 2008 оны долоодугаар сарын 1-ний үйл явдлын дараа тухайн үеийн Гадаад харилцааны сайд Д.Цогтбаатар нь ГХЯ-нд Хүний эрхийн хэлтэс байгуулж байжээ. Хүний эрхийг хамгаалах талаар олон улсын жишгийг судалж, Монгол Улсад нэвтрүүлэх зорилготой уг хэлтэс өнөөдрийг хүртэл тогтвортой ажиллаж байгаа юм. Түүнчлэн УИХ-ын гишүүн Д.Цогтбаатар Хүний эрхийг хамгаалагчийн тухай хуулийг санаачлан, УИХ-аар батлуулсан. Уг хуульд хүний эрхийг хамгаалагчийг хуулиар тодорхойлж, тэдний эрх зүйн байдлыг баталгаалж, зөрчигдсөн эрхийг нь сэргээх боломжийг бүрдүүлсэн байна.

Шагнал гардуулах үеэр УИХ-ын гишүүн Д.Цогтбаатар, “Улс орон бүр өөр өөрийн соёл, түүх уламжлалтай хэдий ч хүний эрхийг хамгаалах нэг л дүрэм, журамтай. Өөрөөр хэлбэл, өнөөгийн ертөнцөд бүх улс орныг нэгтгэж байгаа зүйл бол хүний эрх. Монгол Улсын Үндсэн хуулийн хамгийн төв сэдэв нь хүний эрхийг хамгаалах асуудал. Тиймээс ч бүх хууль үүнд чиглэх ёстой. Үүнд олон улсын хамтын ажиллагаа туйлын чухал” хэмээсэн юм.

Мөн Европын Холбооноос Монгол Улсад суугаа анхны суурин Элчин сайд, Траян Лауренцю Христеа, “Монгол Улс, Европын холбооны хамтын ажиллагааны гэрээний дагуу хүний эрхийн асуудлыг маш өндөр түвшинд тавьж байгаа. УИХ-ын гишүүн Д.Цогтбаатар цар тахлын хүнд үед төрийн бус байгууллага, ХЭҮК-той хамтран хүний эрхийг дээдлэх ажлыг зохион байгуулсан тул энэ шагналыг олгож буй юм” гэлээ.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.