Ирэх аравдугаар сард Сонгинохайрхан дүүрэг, Хэнтий аймагт явагдах нөхөн сонгууль сэрээжээ. Хуулийн дагуу нөхөн сонгуульд оролцох улс төрийн намууд материалаа СЕХ-нд хүргүүлж байгаа.

Үүнтэй холбогдуулан О.Цогтгэрэл даргатай Ардчилсан намаас цаг үеийн асуудлаар мэдээлэл хийлээ.

Тус намын Хэрэг эрхлэх газрын дарга Б.Ган-Очир: Нөхөн сонгуулийн бүртгэл Сонгуулийн ерөнхий хороонд эхэлсэн. Манай нам ҮБХ-ны хурлаараа хэлэлцэж, албан ёсоор Үндэсний аудитын газарт мөрийн хөтөлбөрөө хянуулаад хүлээлгэн өгсөн. Энэ үеэр Сонгуулийн ерөнхий хорооны уур амьсгал маш өөр байсан. Ерөнхийлөгчийн сонгуульд таван хувь хүрэхгүй санал авсан С.Эрдэнэ даргатай АН-ыг сонгуульд захиалсан нь харагдаж байсан. Сонгинохайрхан дүүрэгт С.Эрдэнэ өөрөө нэр дэвшинэ гэх мэдээлэл бий. Дэмжлэг авах уу.  Ардчилсан нам ялж ялагдах нь чухал биш харин шударгаар л сонгуульд өрсөлдөхийг хүсэж байна. С.Эрдэнэ АН-ыг төлөөлөх эрхгүй. 

Чөлөөт өрсөлдөөн, чөлөөт сонгууль гэдэг зүйл байхгүй боллоо. Засгийн газар Замын-Үүдийн боомтоор орж гарч байгаа машины тоог нэмэгдүүлж, чөлөөт өрсөлдөөнийг дэмжих ажлыг огт хийхгүй байна. Хэрвээ орж гардаг машины тоог нэмчихвэл тэнд чөлөөт өрсөлдөөн бий болж, тээврийн зардал огцом буурах ёстой. Дээрээс нь үнийн өсөлт гаарлаа. Ерөнхий сайд болон Засгийн газрын кабинет зах зээлээ харахдаа огт учраа олохгүй байна. Ачаа тээврийн хөлсийг 10 сая төгрөгөөс хэтрүүлэхгүй гээд тогтоочихоор тухайн ачааг тээвэрлэх машин олдохгүй байна. Хулгайгаар хоорондоо 30-40 сая төгрөгөөр тохирчихоод 10 сая төгрөгөөр тээвэрлэсэн гэж мэдүүлж байгаа. Замын-Үүдийн тээврийн асуудалд чөлөөт өрсөлдөөнийг бий болгох хэрэгтэй