Засгийн газрын ээлжит хуралдаан Төрийн ордонд болж байна. Улмаар тус хуралдаанаас гаргасан зарим шийдвэрийн талаар Засгийн газрын сайд нар мэдээлэл өглөө. Тодруулбал, Хүнс хөдөө аж ахуй хөнгөн үйлдвэрийн сайд З.Мэндсайхан ургац хураалттай холбоотой ажлын талаар олон нийтэд мэдээллээ. 

Тэрээр "Өнөөдрийн Засгийн газрын хуралдаанаар ургац хураалтын талаарх Засгийн газрын тогтоол батлагдаж гарлаа. Энэ жил өмнөх жилүүдээс илүү их хэмжээтэй ургац хураан авах төлөвтэй байна. Хөл хорионы үед хаврын тариалалтын бэлтгэл ажлыг эхлүүлсэн. гэхдээ аж ахуйн нэгжүүд цаг хугацаандаа ургацаа тариалж эхэлсэн.

Энэ онд 616 мянган га талбайд үр тариа тарьсан, үүний 416.8 мянган га-д улаанбуудай, 19.1 мянган га-д төмс, 9.4 га-д хүнсний ногоо, 86.4 мянган га-д тосны ургамал, 4.7 мянган га-д жимс жимсгэнэ тариалсан. Одоогоор хамгийн чухал асуудал бол ургац хураалтыг бүрэн хийхэд ажиллах хүч чухал байна. Тиймээс их дээд болон мэргэжлийн сургуулийн оюутан, цэргийн алба хаагч, ажил хайж буй иргэдийг оролцуулна. Үндсэндээ 8000 мянган ажлын байр байна гэсэн үг. Ингэхдээ өдрийн 50 мянган төгрөг гэж аж ахуйн нэгжүүдэд мэдэгдсэн" гэлээ.