Ж.Мягмар: Эцэг эхийн зөвшөөрлөөр 4-5 настай хүүхдийг цэцэрлэгт хамруулна

Улсын хэмжээнд 530.4 мянган га талбайд тариалалт хийгээд байна Өнөөдрөөс 18 нас хүрээгүй хүүхэд мопед, скүтер, суррон унахгүй Соёмботой уулыг сэргээн буджээ Манай улсад хувийн эрх зүйн хүрээнд дижитал хөрөнгийн эрх зүйн харилцааг зохицуулах шаардлага өндөр байна Төрийн албаны тусгай шалгалт өнөөдөр улсын хэмжээнд эхэллээ Улаанбаатарт +30 градус дулаан байна Эзэмшил, ашиглалтын газрын 50 метр хүртэлх талбайг угааж, өнгө үзэмжийг сайжруулан үүргээ хариуцлагатайгаар биелүүлэхийг уриаллаа Шинэ Төв цэвэрлэхийн бүтээн байгуулалтад оролцсон бүх хүнд талархал илэрхийлжээ “Эрүүл мэндийг дэмжих төв” Сүхбаатар дүүрэгт ашиглалтад орлоо “Нээлттэй парламент” цэс И-Монголиа системд шинээр нэвтэрлээ Хөвсгөл аймгийн Түнэл суманд ойн хөнөөлт шавжтай тэмцэх ажил үргэлжилж байна Доктор Б.Нямбаяр National Geographic Society-ийн “Wayfinder Award” шагнал хүртлээ Долдугаар сарын цаг агаарын ерөнхий төлөв Үндэсний их баяр наадмын бэлтгэл ажил 70 хувийн гүйцэтгэлтэй үргэлжилж байна Канад Улстай Агаарын харилцааны хэлэлцээрийг байгуулна

Боловсрол шинжлэх ухааны яамнаас сургуулийн өмнөх боловсролын сургалтыг эхлүүлэх талаар мэдээлэл хийлээ.

Боловсрол, шинжлэх ухааны яамны Сургуулийн өмнөх боловсролын газрын дарга Ж.Мягмар: Эрүүл мэндийн яамтай хамтарсан ажлын хэсэг байгуулагдсан. Эрдэмтдийн багийг боловсролын яаманд мөн урьж ажиллуулсан. Сургуулийн өмнөх боловсролын насныхан коронавирусийн эсрэг вакцин хийлгээгүй байгаа. Тиймээс үе шаттай цэцэрлэгийг эхлүүлэх гэж байна. Эхний ээлжид дөрөв, таван настнуудыг хичээллүүлнэ. Долдугаар сарын 20-ноос хойш бэлтгэл ажлыг хангасан байгаа. Цэцэрлэгийн танхимын сургалт есдүгээр сарын 1-нээс эхэлнэ. Тусгай журам, зөвлөмжийн дагуу насны хязгаартайгаар үе шаттай эхлэх зохицуулалт хийнэ. Өөрөөр хэлбэл таван настай хүүхдийг бүрэн хамруулах бол дөрвөн настай хүүхдийг үргэлжлүүлэн хамруулна. Эцэг эх, асран хамгаалагчийн хүсэлтэд үндэслэн танхимын сургалтад хамруулна.

Харин 2-3 настай хүүхдийг халдварын эрсдэлийн үнэлгээнд үндэслэн үе шаттай хамруулна. Нийслэлийн хэмжээнд байгаа таван настай 77185 хүүхдийг цэцэрлэгт бүрэн хамруулна. Тухайн цэцэрлэгт халдвар гарлаа гэж үзэхэд зайн сургалт руу шилжинэ. Энэ хичээлийн жилд цэцэрлэгт явах хүүхдүүдийн хичээлийн хэрэгслийг гурван сараар нь бэлтгүүлэхээр хэрэгтэй зүйлсийн жагсаалтыг гаргасан.

Түүнчлэн тухайн цэцэрлэгт ямар нэгэн өвчлөл гарахгүй нөхцөлд танхимын сургалт нь үргэлжлэх боломжтой. Хүүхдэд коронавирусийн тохиолдол илэрсэн, эрсдэлтэй нөхцөл үүсвэл зайн сургалт руу шилжинэ. Тухайн ангид нэг батлагдсан тохиолдол илэрсэн тохиолдолд 14 хоног зайн сургалт руу шилжинэ.

Нэг ангид 20 дээр нэмэх, хасах тав гэсэн зохион байгуулалтаар хичээллэнэ. Нэг бүлэгт хамгийн дээд тал нь 25 хүүхэд суралцана гэсэн үг. Гурав хүртэлх бүлгээс өвчлөл илэрвэл тухайн хэсгийг 14 хоног хааж, гэх мэтчилэн хэсэгчилсэн зохион байгуулалт хийнэ. Аль болох танхимын сургалтыг бүтнээр нь биш хэсэгчлэн хаана гэсэн үг юм.

Хүүхэд ангидаа маск зүүхгүй. Гэр цэцэрлэг хоёрын хооронд маск зүүж ирээд, үүдэндээ гараа ариутган халуунаа үзүүлж бүх ариутгалаа хийлгэнэ. Өөр ямар нэгэн газраар хүүхдээ дагуулж эцэг эхчүүд битгий яваарай. Ингэвэл таны хүүхдийн анги танхимын сургалтаа үргэлжлүүлэх боломжтой" гэсэн юм.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.