Хэнтий аймгийн Батноров суманд “Андлалын өргөө”-г цогцолборыг байгуулах ажил олны шүүмжлэлийг дагуулсан. Тэгвэл Андлалын хөшөөг буулгахаар болсон гэх мэдээллийг Өглөөний сонины сэтгүүлч Э.Энхболд өөрийн цахим хуудаст оруулжээ. 

Энэхүү цогцолбор нь 18 метр өндөртэй, Чингис хаан, Боорчи нарын дүрслэл бүхий хөшөө хэлбэртэй байх бөгөөд газар газрын сайн эрс андын тангараг өргөж байх утга учир бүхий байгууламж байхаар төлөвлөгдсөн. Цогцолборын загварыг Монгол Улсын урлагийн гавьяат зүтгэлтэн, зураач, загвар зохион бүтээгч Д.Эрдэмбилэг гаргасан ч нас барсан учраас цогцолборыг барих ажил зогссон гэх мэдээлэл ч байна. Уг цогцолборын шавийг тавьж байхад, бүтээн байгуулалтад нийт 2 тэрбум төгрөгийн санхүүжилт шаардлагатай гэж мэдээлж байсан. 

Ийнхүү улсын төсвөөс хоёр тэрбумыг зарцуулсан уг барилгын хийц, чанар, орчин ард түмний шүүмжлэлийн гол бай болоод удаа ч үгүй байхад тус хөшөөг нураах тухай яриа гарсан байна.