ЭМЯ-наас баасан гараг бүр коронавирусийн нөхцөл байдлын талаарх мэдээллийг хүргэдэг. Энэ үеэр МХЕГ-ын Эрүүл мэндийн хяналтын хэлтсийн дарга Д.Баярболд хичээлийн шинэ жил эхлэхтэй зэрэгцсэн БШУ-ны сайд Л.Энх-Амгалан, Эрүүл мэндийн сайд С.Энхболд нарын хамтарсан тушаалын талаар танилцууллаа.

Тодруулбал, коронавирусийн нөхцөл байдлын улмаас журамд өөрчлөлт орсон байна.

- Сургууль цэцэрлэгийн бүх хаалгыг ашиглаж, анги хооронд нь уулзуулахгүй байх

- Хүүхдүүд багш нар хоорондоо холилдох нөхцөлийг бүрдүүлэхгүй

- Эцэг эхчүүд ч хүүхдийнхээ ангид нэвтрэхгүй бөгөөд үүднээсээ харьцана.

- Сургууль, цэцэрлэг эхний гурван минутад төрийн дуулал дуулдаг байсан бол оронд нь коронавирусийн зөвлөмж уншина

- Сургууль цэцэрлэгийн бүх хаалгыг бүрэн ашиглах

- Тандалт судалгаа хийх, хавьтал тодорхойлох баг байгуулах

- Хувцас солих өрөөнд бөөгнөрөл үүсгэхгүй байх

- Угааж цэвэрлэхэд хялбар цөөн тооны тоглоом хэрэглэх

- Хүүхдийн тоглоом, хичээлийн хэрэгслийг оройд угааж цэвэрлэх

- Хүүхдүүдэд халдвараас сэргийлэх мэдээлэл хийх аж.