Талибан зэвсэгт хөдөлгөөнийхөн Афганистаны нийслэл Кабулд нэвтрэн, 20 жилийн дайнд ялалт байгуулснаа зарласан билээ. Улмаар тус улсын иргэд эх орноосоо дүрвэхээр бүхий л аргаа хэрэглэж эхэлсэн. Тэгвэл тэдгээр дүрвэгсдийн нэг болох дүрвэгсдийн онгоцонд байсан Афган эмэгтэй амаржиж, охинтой болсон талаар bbc агентлаг мэдээлжээ. 

Энэ талаар АНУ-н агаарын хүчнээс “Афганистан улсын иргэн Герман дахь Рамштейн нисэх онгоцны бааз руу дүрвэх үедээ онгоцонд амаржсан” хэмээн мэдээлсэн байна. Нислэгийн дундуур тухайн эмэгтэйн бие тавгүйрхэж эхэлсэн бөгөөд тухайн үед онгоц агаарт хөөрөх өндрөө бууруулж, агаарын даралтыг нь зохицуулж өгчээ. Улмаар тухайн бүсгүй онгоцны ачааны хэсэгт амаржсан бөгөөд одоогоор эх, хүүхдийн биеийн байдал сайн байгаа аж.

эх сурвалж: bbc.com