Миний буруу үйлдлүүдээс болж хохирсон бүхий л хүмүүсээсээ чин сэтгэлээсээ уучлалт гуйж байна. Хэрвээ биечлэн уучалт гуйх боломж олдвол та бүхнээс уучлалт гуйхыг үнэхээр их хүсч байна. Үүний зэрэгцээ намайг хайрлаж, халамжилж байсан фенүүдээсээ чин сэтгэлээсээ уучлалт гуйя. Та бүхний урмыг хугалсандаа маш их харамсаж байна. Өнгөрсөн өдрүүдэд би хийсэн зүйлүүдийнхээ талаар маш сайн эргэцүүлж бодсон. Өөрийн хийсэн алдаа, хариуцлагагүй үйлдлээ ойлгож авахаас гадна намайг эртнээс хайрлаж, дэмжиж ирсэн фенүүдийнхээ урмыг хугалсан үйлдэл байсныг ойлгосон. Дахин нэг удаа надад урам хугарсан хүмүүсээсээ уучлалт гуйя. Дахиж ийм зүйл болохгүй гэж амлая. Бас энэ үйлдэлдээ өөрийгөө буруутган түр хугацаанд үйл ажиллагаа явуулахгүйгээр өөрийнхөө талаар илүү их тунгаан бодох болно. Эцэст нь надад итгэл хүлээлгэсэн хамтлагийн гишүүд, компаний ажилтнуудаасаа мөн надтай хамтран ажилладаг бүхий л хүмүүсээс хохирол учруулсандаа уучлалт хүсье” хэмээжээ. 

 

Эргэн сануулахад, NCT хамтлагийн гишүүн Лукасын хуучин найз бүсгүй өөрсдийн харилцааг ил болгож түүнийг өөрийг нь байнга ашигладаг байсан хэмээгээд вичатаар харилцаж байсан захидлуудаа ил болгосон. Тэрээр хэдийгээр энэ гээд үзүүлэх баримт байхгүй ч бидний харилцсан харилцаанууд хангалттай баримт болно хэмээн найдаж байна гэсэн бөгөөд түүнтэй холбогдсондоо харамсаж байгаагаа илэрхийлсэн юм. Уг мэдээлэл гараад удаагүй байхад өөр нэгэн фэн нь мөн л түүнтэй болзож байснаа илчилсэн бөгөөд хамт байхдаа авсан зургуудаа цахим орчинд нийтэлсэн. Энэ нь тус хамтлагийн фэнүүд төдийгүй нитизүүдийн бухимдлыг ихээр төрүүлж улмаар цахим орчинд Лукасыг эрэгтэй биеэ үнэлэгч хэмээн тодотгож шүүмжилсээр байна.