Ерөнхийлөгч У.Хүрэлсүх ШҮҮГЧИД болон АТГ-ын даргыг томилдог эрхээс татгалзлаа

Засгийн газрын Хяналт хэрэгжүүлэх газартай хамтран ажиллах санал солилцлоо AI, өгөгдөл, дрон, кибер аюулгүй байдлын мэргэжил эрэлттэй байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Японы эзэн хаан, хатан хаан долдугаар сарын эхээр Монголд айлчилна Хоёрдугаар сарын 1-нээс нийтийн тээврээр 1000 төгрөгөөр өдөрт дөрвөн удаа зорчино Хүндэтгэх шалтгаанаар нийслэлд 48 цагаас дээш хугацаанд зорчсон орон нутгийн тээврийн хэрэгсэл 5000 төгрөгийн хураамж төлөхгүй Вашингтон хотод газардах гэж байсан зорчигч тээврийн онгоц нисдэг тэрэгтэй мөргөлдөн осолджээ Нийтийн эзэмшлийн зам талбайг зөвшөөрөлгүй ашиглаж байгаа зөрчлийг арилгуулж байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Олон улсын өсвөрийн энтрепренерүүдийн уралдаан зарлагдлаа Олон улсын шуудан илгээмжээр дамжуулан мансууруулах бодис улсын хилээр нэвтрүүлсэн хэргийг шүүхэд шилжүүлжээ Ойрын хоногуудад нутгийн баруун хагаст өдөртөө хүйтний эрч бага зэрэг суларна Нидерландад бүлэг хулгайч нар 2500 жилийн настай алтан дуулга болон бусад эртний эдлэлийг тоножээ ФОТО: Хүүхдийн гэгээлэг ертөнц ФОТО: Хүүхдийн гэгээлэг ертөнц

Монгол Улсын Ерөнхийлөгчийн Тамгийн газраас шүүхийн хараат бус, бие даасан байдлын талаар өнөөдөр мэдээлэл хийлээ.

Энэ үеэр Монгол Улсын Ерөнхийлөгч У.Хүрэлсүх шүүгчийн томилгоо, ШЕЗ-ийг хэрхэн бүрдүүлэх, Шүүгчдийн сахилгын зөвлөлийн гишүүдийг томилдог эрхээсээ татгалзаж байгааг Ерөнхийлөгчийн тамгын газрын дарга Я.Содбаатар мэдээллээ.

Тэрээр... "Шүүхийн шинэчилсэн хууль нэгдүгээр сард батлагдсан. Үүний дараагаар өмнөх Ерөнхийлөгч Үндсэн хуулийн цэцэд /ҮХЦ/ хандсан. ҮХЦ Үндсэн хууль зөрчсөн байна гэж үзсэнийг УИХ хүлээж аваагүй. Тиймээс одоо ҮХЦ-ийн их суудлын хуралдаанаар хэлэлцэх гэж байсан. Харин Монгол Улсын Ерөнхийлөгч У.Хүрэлсүх шүүгчийн томилгоо, ШЕЗ-ийг хэрхэн бүрдүүлэх, Шүүгчдийн сахилгын зөвлөлийн гишүүдийг томилдог эрхээсээ татгалзаж байгаа юм. Мөн Авлигатай тэмцэх газрын /АТГ/ даргыг Ерөнхийлөгч биш Ерөнхий сайд томилдог байхаар хуульд өөрчлөлт оруулсан. Өөрөөр хэлбэл, шүүгчийг томилдог, хариуцлага тооцдог эрхээсээ татгалзаж байна. Ингэснээс шүүгчийг УИХ , АТГ-ын даргыг Ерөнхий сайд томилно. Ерөнхийлөгч хүн биш хууль засагладаг байна гэж мөрийн хөтөлбөртөө тусгасан. Тиймээс Шүүхийн шинэтгэлийн хууль батлагдсанаараа хэрэгжинэ. ҮХЦ-д Ерөнхийлөгч энэ хүсэлтээ хүргүүлнэ" гэлээ.

Өнгөрсөн нэгдүгээр сарын 15-нд Шүүхийн хууль батлагдсаны дараа өмнөх Ерөнхийлөгч Х.Баттулга Үндсэн хуулийн Цэцэд хандсан байдаг. Улмаар Үндсэн хуулийн Цэцийн хуралдаанаар дээрх хуулийг Үндсэн хууль зөрчсөн гэж үзсэн юм. Гэвч Үндсэн хуулийн Цэцийн эл шийдвэрийг УИХ хүлээж аваагүй байдаг. Тэгвэл Монгол Улсын Ерөнхийлөгч У.Хүрэлсүх бүрэн эрхийнхээ хүрээнд Үндсэн хуулийн Цэцэд гаргасан өмнөх Ерөнхийлөгч Х.Баттулгын гомдлыг татан авч байгаа юм байна.

Шинэчлэн батлагдсан шүүхийн тухай хуульд, ШЕЗ-ийн 10 гишүүний 5-ыг нь шүүгчдээс, 5-ыг нь УИХ-аас томилдог байхаар тусгасан. Харин АТГ-ын даргыг Ерөнхий сайдын санал болгосноор УИХ зургаан жилийн хугацаагаар томилдог байхаар Авлигын эсрэг хуульд тусгажээ.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.