Улаанбаатар хотын оффисын зориулалттай талбайн нэг метр квадратын худалдах дундаж үнэ зургаадугаар сарын байдлаар 3.7 сая төгрөг байсныг “Тэнхлэг зууч” мэдээллээ.

Энэ нь өмнөх сараас 6.39 хувиар буурсан дүн болсон байна.

Чингэлтэй дүүрэгт байрлалтай оффисын талбайн дундаж үнэ өмнөх сараас 18.32 хувиар буурсан бол Сүхбаатар дүүргийн дундаж үнэ 3.51 хувиар өссөн нь хамгийн өндөр өөрчлөлт болжээ.

Түрээсийн хувьд дундаж үнэ энэ оны зургаадугаар сард метр квадрат нь 30.4 мянган төгрөг хүрч, өмнөх сараас 1.14 хувиар өсжээ. Чингэлтэй дүүрэг дэх оффисын талбайн түрээсийн дундаж үнэ 6.38 хувиар өсөж, хамгийн өндөр өөрчлөлт үзүүлсэн байна.

Хөл хорионы үед оффисын зах зээл хаалттай байсан ч хязгаарлалтуудыг сулруулснаас хойш оффисын эрэлт маш их нэмэгдсэн гэдгийг “Mongolian Properties”-ийн дэд Ерөнхийлөгч Н.Лхагвасүрэн онцоллоо.