Marvel”-ийн анхны Ази гаралтай супер баатрын тухай ““Шан-Чи болон Арван Бөгжний Домог”” кино “Box Office”-ийн жагсаалтыг хоёр дахь долоо хоногтоо дараалан тэргүүллээ. Өнгөрсөн долоо хоногт энэхүү кино 95 сая ам.долларын орлого олсныг “Comscore” онцолж байна. Харин энэ долоо хоногт АНУ болон Канадын кино театруудаас 34.7 сая ам.долларын орлого олжээ.

Түүгээр зогсохгүй “Шан-Чи” нээлтээ хийхийн зэрэгцээ олон рекордуудыг шинээр тогтоов. “It”(2017), “It Chapter Two”(2019) кинонуудын араас 9-р сард нээлтээ хийн ашиг олсон киноны 3-т бичигдлээ. 

Ковид 19 цар тахлын умаас улмаас кино театруудын эргэн тойронд нөхцөл байдал сайн биш байгаа боловч “Шан-Чи болон Арван Бөгжний Домог”хүлээлтээс илүү үр дүн гарсан гэж үзэж болно.

“Шан-Чи болон Арван Бөгжний Домог” кино Марвелын анхны Ази баатартай соло кино бөгөөд дотоодын төдийгүй гадаадын олон кинонд дурлагсдын анхаарлыг татаж байна. Марвелын “Арван бөгж”-ний агуу домгийн хүчээр харанхуй ертөнцийг захирч ирсэн аав Вэньву(Тони Люн), алуурчны замаас татгалзан өөрийн жинхэнэ хүч чадлаа ухаарсан ер бусын баатар Шан-Чи(Симу Лю)-ийн зайлсхийх аргагүй хувь тавилангийн тэмцлийг харуулжээ. Нетфликсийн “Kim’s Convenience”-аар олонд танигдсан Хятад гаралтай Канад жүжигчин Симу Лю гол дүр Шан-Чигийн дүрийг бүтээж, Тони Люн Шан-Чигийн аав Веньвугийн дүрийг бүтээСэн билээ.