Дэлхийн рок хөгжсийн домог болсон QUEEN хамтлагын дууг сонсож үзээгүй хүн гэж үгүй биз. 

“Queen”хамтлагийн дуучин алдарт Фредди Меркури 1946 оны 9-р сарын 5-ны өдөр мэндэлжээ. Тэрбээр хүмүүст рок хөгжмийг өөр өнцгөөс харах боломжийг олгосон бол авьяас чадвар нь хөгжмийн урлагт үүрд дурсагдах алдар цууг авчирсан юм. Амьд ахуйдаа “Би рок од, домог болохгүй” гэж ярьдаг байсан Фредди Меркуригийн талаарх сонирхолтой 10 баримтыг танилцуулж байна.

1. Тэрээр Ealing Art хэмээх коллежийг график дизайны чиглэлээр төгссөн бөгөөд“Queen””хамтлагийн логог зохион бүтээжээ.

Логон дээрх хоёр арслангаар Жон Деакон болон Рожер Тэйлор нарыг илэрхийлсэн бол Q үсэг бол хамтлагийн нэрний эхний үсэг, харин  түүний дээр суух хавчаар Брайн Мэйг дүрсэлжээ. Арслангуудийн харалдаа Q үсгийн хоёр талд суух далавчтай бяцхан шидтэнгүүдээр өөрийгөө төлөөлүүлэн охины ордоо билэгдсэн байна. Логон дээр байх галт шувуу бол хамтлагийн гишүүдийг муу зүйлээс хамгаалахыг билэгджээ.

2. Түүний жинхэнэ нэрийг Фаррох Булсара гэдэг бөгөөд 1970 онд өөрийн нэрийг Фредди Меркури болгон өөрчилсөн байна.

3. Фредди марк цуглуулах хоббитой байв. Нас барсных нь дараа түүний маркны  цуглуулга өндөр үнэд хүрчээ.

4. Гэр бүл нь Парсис бөгөөд Зороастерийн шашныг нэвтрүүлэгчид байсан юм. Мөн Фреддиг нас барахад түүний оршуулгыг Зороастерийн санваартнаар удирдуулсан гэдэг.

5. Фредди  Занзибар улсад / Занзибар нь XIX зуунаас 1964 оны нэгдүгээр сарын 12-ныг хүртэл оршин тогтнож байсан улс юм. 1964 оноос Танзанийн Бүгд Найрамдах Нэгдсэн Улсын бүрэлдэхүүнд оржээ/ төржээ. Түүнийг төрөхөөс өмнө гэр бүл нь энэ улсад нүүж очсон бөгөөд эцэг нь Британийн колонийн албанд ажилладаг байсан гэнэ. 

6. Фреддигийн амьдралын цорын ганц хайр мөн үнэнч нөхөр нь Мэри Остин хэмээх бүсгүй байсан гэдэг. Фредди өөрийгөө бисексуаль /хоёр хүйстэн сонирхогч / чиг хандлагатай гэж эхнэртээ хэлснээр Мэри гэрлэлтээ цуцлуулахаар шийджээ. Тэд хоёр тийш болж, Мэри шинээр амьдрал зохиосон ч нэгнээсээ холдож чадаагүй гэнэ. Ийнхүү хуучин нөхөртэйгээ сэтгэлийн холбоотойг мэдсэн Мэригийн нөхөр эхнэрээ хардан, гэр бүлээ цуцлуулжээ. Фредди Мэрид зориулан “love of my life”дуугаа бичсэн бөгөөд “амьдралынхаа төгсгөл хүртэл Мэри бид 2 үнэнч найзууд хэвээр байна” гэж хэлдэг байж. Мөн таалал төгсөхдөө тэрээр бүх эд хөрөнгөө Мэрид гэрээслэл үлдээжээ.

7. Тайзан дээр этгээд, өвөрмөц төрх гарган, элдвээр авирладаг байсан ч ойр дотны хүмүүс нь  түүнийг амьдрал дээрээ даруухан ихээхэн дэг журамтай хүн байсан гэж ярьдаг. 

8. Фредди болон менежер нь түүнийг нас барахын өмнөх өдөр ДОХ-той хэмээн албан ёсоор мэдэгдэл хийсэн гэдэг. Хожимдсон мэдэгдэл дэлхий даяарх түүний сая сая шүтэн бишрэгчдийг уйтгар гунигт автуулсан юм.

9. Фредди мууранд хайртай, олон ч муур тэжээдэг байжээ. Тэр бүү хэл  Делила нэртэй муурандаа зориулж дуу хүртэл бичиж байв. 

10. 2000 онд түүний амьдралын талаар “The Untold Story”нэртэй кино хийсэн бөгөөд Фреддигийн дүрд Боратын од Сача Барон Кохен тогложээ.