УИХ-аас энэ оны долдугаар сарын 2-ны өдөр баталсан “Өршөөл үзүүлэх тухай” хуулийн дагуу замын хөдөлгөөний дүрэм зөрчсөн жолооч нарын торгуулийн 50 хувийг 10 дугаар сарын 1 хүртэл хөнгөлөхөөр болсон. Улмаар иргэд торгууль төлөх өдөр дуусч байгаатай холбогдуулан иргэд торгууль төлөх цахим хаягууд болох  smartcar.mn болон  torguuli.police.gov.mn  сайтад хандсанаар ачаалал үүсч тус сайтууд хэт удаашралтай ажиллах болжээ. Энэ нь иргэдийг ихээхэн бухимдуулж байгаа бөгөөд нэг цэгийн үйлчилгээний газар урт дараалал үүсгэж байгаа юм.

Тэгвэл жолооч та бүхэн  “e-Mongolia” системээр дамжуулан торгуулиа цахимаар төлөх боломжтой болсон гэдгийг  Харилцаа холбоо, мэдээллийн технологийн газраас мэдээллээ.

Тус үйлчилгээг авахын тулд жолооч “e-Mongolia” системд

1. Нэвтрэх
2. Жолоодох эрх, тээврийн хэрэгсэл
3. Тээврийн хэрэгсэл
4. Авто тээврийн хэрэгсэл болон жолоочийн торгуулийн төлбөр төлөх гэсэн шат дараатайгаар үйлчилгээг сонгон, торгуулиа цаг хугацаанд нь цахимаар төлөх боломтой.