Төр, нийгмийн нэрт зүтгэлтэн С.Зориг 23 жилийн өмнөх энэ өдөр бусдын гарт харамсалтайгаар амь насаа алдсан. Монголын улс төрийн түүхэнд энэ өдрийг "Хар өдөр" хэмээн нэрлэсэн юм. 

Жил бүрийн энэ өдөр улс төрийн хүчнүүд С.Зориг агсны хөшөөнд цэцэг өргөж, хүндэтгэл үзүүлдэг уламжлалтай. Өнөөдөр Иргэний зориг ногоон намын удирдлагууд, гишүүд дэмжигчид нь түүний үйл хэргийг хүндэтгэн хөшөөнд нь хүндэтгэл үзүүллээ. 

Иргэний Зориг Ногоон нам нь С.Зориг агсны үзэл баримтлалыг шингээсэн, ногон үзэлтэй, иргэний зоригтой “Сайн цагийг авчирна” уриан дор улс төрийн идэвхтэй үйл ажиллагаа явуулдаг Монголын томоохон улс төрийн хүчний нэг билээ.

Цэцэг өргөх үеэр ИЗНН-ын дэд дарга Б.Батбаатар: Энэ өдөр зүгээр нэг цэцэг өргөөд өнгөрөх биш, харин түүний үзэл санаа, үнэт зүйл болон зарчмыг нь түгээн дэлгэрүүлэх хэрэгтэй. Энэ намрын чуулганаар УИХ намуудын тухай хуулийг хэлэлцэнэ гэж байгаа. Улс төрийн намуудын нэр, үзэл баримтлал, мөрийн хөтөлбөр болон үнэт зүйл нь өөр байж болно. Харин улс төрийн намууд нэг дүрэмтэй байх ёстой. Тэр дүрмийг хууль богож батлах хэрэгтэй. Ингэж байж энэ улс төрийн намуудыг хувьчлалаас аврана. Хэдийгээр манайд улс төрийн олон нам байгаа ч ихэнх нь хувьчлагдсан байна. Хэн нэгэн хүний өмч болжээ. Улс төрийн тохироо наймаанд хэрэглэгддэг хэрэглэгдэхүүн болсон байна. Тиймээс намуудыг өөрчлөхгүйгээр ирээдүйд итгэх итгэл алга.

Эргэн сануулахад... С.Зориг агсны амиа алдсан хэргийн захиалагчийг илрүүлэх болов уу гэсэн хүлээлт өнөөдрийг хүртэл Монголын ард түмний дунд байсаар байна.