Л.Энх-Амгалан: Би багш нарынхаа хүсэл, мөрөөдлийн талд 100 хувь зогсоно

Монгол улс, БНСУ хоёр улс жолоодох эрхийг харилцан хүлээн зөвшөөрөх боломжтой боллоо Газрын тухай хуульд нэмэлт, өөрчлөлт оруулах тухай хуулийн төсөл өргөн мэдүүлжээ Улсын хэмжээнд 530.4 мянган га талбайд тариалалт хийгээд байна Өнөөдрөөс 18 нас хүрээгүй хүүхэд мопед, скүтер, суррон унахгүй Соёмботой уулыг сэргээн буджээ Манай улсад хувийн эрх зүйн хүрээнд дижитал хөрөнгийн эрх зүйн харилцааг зохицуулах шаардлага өндөр байна Төрийн албаны тусгай шалгалт өнөөдөр улсын хэмжээнд эхэллээ Улаанбаатарт +30 градус дулаан байна Эзэмшил, ашиглалтын газрын 50 метр хүртэлх талбайг угааж, өнгө үзэмжийг сайжруулан үүргээ хариуцлагатайгаар биелүүлэхийг уриаллаа Шинэ Төв цэвэрлэхийн бүтээн байгуулалтад оролцсон бүх хүнд талархал илэрхийлжээ “Эрүүл мэндийг дэмжих төв” Сүхбаатар дүүрэгт ашиглалтад орлоо “Нээлттэй парламент” цэс И-Монголиа системд шинээр нэвтэрлээ Хөвсгөл аймгийн Түнэл суманд ойн хөнөөлт шавжтай тэмцэх ажил үргэлжилж байна Доктор Б.Нямбаяр National Geographic Society-ийн “Wayfinder Award” шагнал хүртлээ Долдугаар сарын цаг агаарын ерөнхий төлөв

Монгол Улсад орчин цагийн Боловсролын салбар үүсэж хөгжсөний 100, Монголын багш нарын 55 дахь өдрийн баяр өнөөдөр тохиож байна.

БШУ-ы сайд Л.Энх-Амгалан тэргүүтэй тус яамны удирдлагын хамт олон өнөөдөр өглөө эртлэн гарч, Улаанбаатар хотын захын хорооллын дунд сургуулийн багш нарт баяр хүргэж, цэцгийн баглаа барьжээ.

Боловсрол шинжлэх ухааны сайд Л.Энх-Амгалан: Зах зээлийн нийгэмд шилжсэнээс хойш боловсролын салбарынхан маань сайн муу олон ч зүйлийг үзсэн бас давж гарч чадсан. Ар гэр, эрүүл мэнд, нийгмийн асуудлыг нь цогцоор нь шийдэж чадаагүй багшаас амжилт, үр дүн нэхэхэд хэцүү гэдгийг маш сайн ойлгож байна. Олон ч багш цалингаа нэмэгдүүлэх хүсэлтийг надад ирүүлдэг. Би багш нарынхаа хүсэл, мөрөөдлийн талд 100 хувь зогсоно. Сайдын хувьд чадахаараа хичээж нааштай шийдвэр гаргуулахын төлөө хичээн ажиллаж байгааг хэлье.

Бид багшаас байнга чанар нэхдэг. Хүүхдээ багшид л даатгадаг. Багш нар маань дээд тал 50 гаран хүүхэдтэй агааргүй орчинд 8 цаг зогсоно. Байнгын хуурай шохой хэрэглэж уушгиа бохирдуулна. Ачаалал өндөр. Сүүлийн үед 6 настай хүүхэдтэй ажиллаж байгаа багшийн ачаалал үнэхээр их байгаа. Багш нарын баярын энэ сайхан өдөр хүн бүр багшдаа баяр хүргээсэй, сэтгэлээсээ халуун дотно үг хэлээсэй хэмээн чин сэтгэлээсээ хүсч байна. Эрдэм номын их өргөөний үүдэнд тосон авч, боловсрол, мэдлэгийн хураар түмний хүүхдийг тордож, эх орны хөгжлийн үндэс суурийг тавьсан үе үеийн эрдэмтэн багш нартаа Монголын багш нарын баярын мэндийг өргөн дэвшүүлье.

Багш хүний олон жилийг зүтгэлийг зөв үнэлэх нь энэ мэргэжлийн нэр төрийг өргөх шалтгаан болно. Эрдмийн их уурхайн оюуны баялаг бүтээгч та бүхэндээ дахин баярын мэнд хүргэж эрүүл энх, сайн сайхан бүхнийг хүсэн ерөөе. гэжээ

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.