Монгол төрийг цагтаа атгаж байсан Намбарын Энхбаяр улс төрд дахин амиллаа. Ерөнхий сайд, Ерөнхийлөгчөөс эхлээд төрийн өндөр албан тушаал хашсан Н.Энхбаяр өөрийн хүү Э.Батшугарыг Сонгинохайрхан дүүрэгт ногоон гэрлээр нэр дэвшүүлсэн. СХД-т УИХ-ын 2020 оны сонгуульд МАХН-аас дэвшиж ялагдал хүлээсэн Э.Батшугарыг Сонгиныхон хүлээж аваагүй унагаж орхисон.

Улс төрд аавынхаа гараас хөтлөн орж ирсэн Э.Батшугар бол тоглоомын хүүхэлдэй төдий. Гол хорыг Н.Энхбаяр ард нь хийж байгаа нь хэнд ч илэрхий. СХД-т МАХН-ынхан хөл сайтай. Н.Энхбаяр МАН-ын нэрээр хүү Э.Батшугарыг шургуулаад араас нь дүүргийг МАХН-аар дүүргэж МАН-ын залуучууд болон намын дотоод бүтцэд ажиллаж буй хүмүүсийг жийх нь тодорхой юм. Иймээс ч Д.Сумъяабазар, Н.Учрал, П.Анужин нар Э.Батшугарыг өнгөн дээрээ дэмжиж байгаа дүр эсгэж байгаа. Хаалгаар биш тооноор орж ирсэн Э.Батшугар СХД-т нэг орсон бол хороо тус бүрээр нь өөрийн хүмүүсээрээ дүүргэх нь тодорхой.  

Гэвч улс төрд дахин амилсан Н.Энхбаяр оймс гозолзуулсан бугшсан их өс хонзон тун удахгүй эргээд СХД болон МАН-ын толгой дээр тас хийж буух биз ээ.