Өнөөдөр гурван байнгын хороо хуралдахаар товложээ. Хуралдаанаар дараах асуудлыг хэлэлцэнэ.  

1.Хууль зүйн байнгын хорооны хуралдаан 09.00 цагаас "Их эзэн Чингис хаан" танхимд

Хууль зүйн байнгын хорооны 2020 оны 12 дугаар сарын 24-ний өдрийн 09 дүгээр тогтоолоор байгуулагдсан Монгол Улс олон талт олон улсын гэрээнд нэгдэн орсноор хүлээсэн үүргийн хэрэгжилтийн тайланг холбогдох байгууллагад хүргүүлэх, тайлантай холбогдуулан олон улсын байгууллагаас ирүүлсэн зөвлөмжийн дагуу хэрэгжүүлж байгаа ажлын явц байдалтай танилцах, санал дүгнэлт боловсруулах үүрэг бүхий Ажлын хэсгийн явцын танилцуулгыг сонсох

-Монгол Улсын Дээд шүүхээс санал болгосон Үндсэн хуулийн цэцийн гишүүнийг томилох тухай асуудал. 

2.Эдийн засгийн байнгын хорооны хуралдаан 10.00 цагаас "Их жанжин Сүхбаатар" танхимд

-Хөрөнгө оруулалтын тухай хуульд өөрчлөлт оруулах тухай, Хуулийн этгээдийн Улсын бүртгэлийн тухай хуульд өөрчлөлт оруулах тухай хуулийн төсөл /Улсын Их Хурлын гишүүн Х.Ганхуяг нарын 4 гишүүн 2021.06.21-ний өдөр өргөн мэдүүлсэн, хэлэлцэх эсэх/

-Улсын Их Хурлын гишүүн Г.Дамдиннямаас Зам, тээврийн хөгжлийн сайд Л.Халтарт хандан тавьсан Улаанбаатар-Дархан чиглэлийн замын их засвар, шинэчлэлт болон шинээр баригдах 2 эгнээ авто замын төслийн хэрэгжилтийн талаарх асуултын хариуг сонсох.

3.Нийгмийн бодлогын байнгын хорооны хуралдаан 14.00 цагаас "Их эзэн Чингис хаан" танхимд

-Коронавируст халдвар /Ковид-19/-ын лабораторийн оношилгоо, эмчилгээ, дархлаажуулалтын талаар Эрүүл мэндийн сайд, Нийслэлийн эрүүл мэндийн газрын даргын мэдээлэл сонсох

-Байнгын хорооны тогтоолын төсөл /Намрын ээлжит чуулганы 10 дугаар сард хэлэлцэх асуудлын цаглавар батлах тухай/.