Намбарын Энхбаяр Монгол Улсын төрийн өндөр бүхий л албан тушаалыг хашиж ирсэн. Төрөөс төрсөн тэрбумтан аятай төрсөн хүү Э.Батшугарыг сонгууль болохоор л нэр дэвшүүлж асар их мөнгө зарцуулж ирсэн. Дөрвөн ч удаагийн сонгуульд зарцуулагдсан тэр их хэмжээний мөнгө хаанаас гарч байгаа вэ. Насаараа төрд ажилласан Н.Энхбаярын хувьд бизнес эрхэлж байгаагүй.

Ямартаа ч Сонгинохайрхан дүүргийн нөхөн сонгуульд Э.Батшугар ихээхэн хүч тавьж мөнгө цацаж байгаа гэх аман яриа тус дүүргээр сонсогдох боллоо.

СХД-ээс УИХ-д сонгогдсон гишүүд өнгөн дээрээ дэмжиж байгаа царай гаргавч дүүргээ МАХН-д өгчихгүй байх сонирхол асар өндөр. Тиймээс дүүргийн намынхан нь Э.Батшугарыг төдийлөн дэмжихгүй байгаа гэнэ.

Ийнхүү Н.Энхбаяр СХД-т хүү Э.Батшугарыг нэр дэвшүүлж чадсан бол тохиролцоо ёсоор намын Бага хурлаар Засгийн газрын гурван ч яамыг МАХН-д авах яриа хэлэлцээртээ тун удахгүй орно. Л.Оюун-Эрдэнийн Засгийн газар дэнжигнэж байгаа энэ үед одоогийн сайд нараас халж сольж МАХН-ын хүмүүсийг тавихаар зэхэж байгаа бололтой.

Х.ОД