Өнгөрөгч 2020 оны долоодугаар сарын 31-ний өдрийн 22.35 цагийн орчим Хан-Уул дүүргийн II хорооны иргэн 25 настай эмэгтэй О Налайх дүүргийн 6 дугаар хороо, Тэнгэрийн энерги бясалгалын төвдсураггүй болж байсан билээ. Холбогдох газруудаас түүнийг эрэн хайх ажиллагааг явуулсан ч эрэл мухардаж байсан удаатай. Тэгвэл түүнийг алга болсноос хойш нэг жил 2 сарын дараа тус эмэгтэй амиа алдсан байдалтайгаар олджээ.
Тодруулбал : Налайх дүүргийн 6-р хороонд “Ээлтэй гэх газарт цогцос байж болзошгүй байна” гэсэн мэдээллийг цагдаагийн байгууллага өчигдөр буюу аравдугаар сарын 11-ний 17:30-д авч ажиллажээ. Ингэхэд , Иргэн О 25н настай эмэгтэйн цогцос 230 см-ийн гүнтэй модон жорлонгийн нүхнээс олдсон байна.
Энэ талаар цагдаагийн байгууллагаас тодруулахад Налайхаас олдсон цогцос урьдчилсан байдлаар тохиорч байна. Цагдаагийн байгууллага хэргийг цааш нь үргэлжлүүлэн шалгана. Нарийн шинжилгээний дүгнэлтээр хэн болох, үхлийн шалтгаан нь эцэслэн тодорхой болно гэсэн юм.
Бид энэ хэргийн талаар эргэн мэдээлэх болно.