Танилц: Шинээр сонгогдсон УИХ-ын гишүүн Э.Батшугар, Ц.Идэрбат

Засгийн газрын Хяналт хэрэгжүүлэх газартай хамтран ажиллах санал солилцлоо AI, өгөгдөл, дрон, кибер аюулгүй байдлын мэргэжил эрэлттэй байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Японы эзэн хаан, хатан хаан долдугаар сарын эхээр Монголд айлчилна Хоёрдугаар сарын 1-нээс нийтийн тээврээр 1000 төгрөгөөр өдөрт дөрвөн удаа зорчино Хүндэтгэх шалтгаанаар нийслэлд 48 цагаас дээш хугацаанд зорчсон орон нутгийн тээврийн хэрэгсэл 5000 төгрөгийн хураамж төлөхгүй Вашингтон хотод газардах гэж байсан зорчигч тээврийн онгоц нисдэг тэрэгтэй мөргөлдөн осолджээ Нийтийн эзэмшлийн зам талбайг зөвшөөрөлгүй ашиглаж байгаа зөрчлийг арилгуулж байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Олон улсын өсвөрийн энтрепренерүүдийн уралдаан зарлагдлаа Олон улсын шуудан илгээмжээр дамжуулан мансууруулах бодис улсын хилээр нэвтрүүлсэн хэргийг шүүхэд шилжүүлжээ Ойрын хоногуудад нутгийн баруун хагаст өдөртөө хүйтний эрч бага зэрэг суларна Нидерландад бүлэг хулгайч нар 2500 жилийн настай алтан дуулга болон бусад эртний эдлэлийг тоножээ ФОТО: Хүүхдийн гэгээлэг ертөнц ФОТО: Хүүхдийн гэгээлэг ертөнц

Сонгуулийн ерөнхий хороо өнөө өглөө хуралдаж, УИХ-ын 18 дугаар тойргийн нөхөн сонгуульд МАН-аас нэр дэвшсэн Ц.Идэрбат, 28 дугаар тойрогт МАН-аас нэр дэвшсэн Э.Батшугар нарыг УИХ-ын гишүүнээр сонгогдсонд тооцож, үнэмлэх олгох тогтоолын төсөл баталсан.

Нөхөн сонгуулийн дүнг өнөөдөр УИХ болон Ерөнхийлөгчид өргөн барина. УИХ СЕХ-ны дүнг хүлээн авсны дараа чуулганаар шинэ гишүүдээ тангараг өргүүлэх хуулийн зохицуулалттай. Тэгэхээр шинээр сонгогдсон гишүүд энэ долоо хоногийн чуулганы нэгдсэн хуралдаанаар тангаргаа өргөнө.

Ингээд шинээр сонгогдсон Э.Батшугар, Ц.Идэрбат нартай товч танилцая.

Э.Батшугар нь 1987 онд Улаанбаатар хотод мэндэлсэн. АНУ-ын Калифорни мужийн ахлах сургууль, АНУ-ын Массачусетс мужийн Уолтхэмд байрлах Бэнтлигийн их сургуульд санхүүч, эдийн засагч мэргэжлээр суралцан төгссөн. Ажлын гараагаа АНУ-аас эхлүүлэн “Жи Пи Морган” /JP Morgan/ хөрөнгө оруулалтын банканд 2008-2011 онд ажилласан, Монголбанкны Дэд ерөнхийлөгчөөр 2012-2016 онд ажилласан бол түүнээс хойш бизнес эрхэлж байгаа. Мөн одоогийн байдлаар МАН-ын Бага хурлын гишүүн болон Удирдах зөвлөлийн гишүүнээр ажиллаж байна.

Ц.Идэрбатын хувьд Хэнтий аймгийн Засаг даргаар 2020 оноос хойш ажиллаж байгаа. Тэрбээр 1981 онд төрсөн, 1999-2003 онд Гадаад хэлний дээд сургуулийг Англи хэлний багш мэргэжлээр төгссөн бакалавр зэрэгтэй гэж намтартаа өгүүлжээ. Мөн Төрийн удирдлагын менежер мэргэжлээр их сургуулиа дүүргэсэн. Тэрбээр, 2008-2012 онд Хэнтий аймгийн Хэрлэн сумын засаг даргын орлогч, 2016-2020 Хэрлэн сумын Засаг дарга бөгөөд Чингис хотын захирагч, 2020 оноос Хэнтий аймгийн Засаг даргаар ажиллаж буй юм. 2008, 2012, 2016, 2020 онд дөрвөн удаа аймгийн ИТХ-ын төлөөлөгчөөр сонгогдож байжээ.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.