Б.Лхагвасүрэн: Манай хүү Хөгжлийн банк анх байгуулагдсан үеэс ажилласан. Сүүлд газрын даргаар томилогдсон юм билээ

Засгийн газрын Хяналт хэрэгжүүлэх газартай хамтран ажиллах санал солилцлоо AI, өгөгдөл, дрон, кибер аюулгүй байдлын мэргэжил эрэлттэй байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Японы эзэн хаан, хатан хаан долдугаар сарын эхээр Монголд айлчилна Хоёрдугаар сарын 1-нээс нийтийн тээврээр 1000 төгрөгөөр өдөрт дөрвөн удаа зорчино Хүндэтгэх шалтгаанаар нийслэлд 48 цагаас дээш хугацаанд зорчсон орон нутгийн тээврийн хэрэгсэл 5000 төгрөгийн хураамж төлөхгүй Вашингтон хотод газардах гэж байсан зорчигч тээврийн онгоц нисдэг тэрэгтэй мөргөлдөн осолджээ Нийтийн эзэмшлийн зам талбайг зөвшөөрөлгүй ашиглаж байгаа зөрчлийг арилгуулж байна Ойрын хоногуудад нутгийн баруун хагаст өдөртөө хүйтний эрч бага зэрэг суларч, нутгийн зүүн хагаст хүйтэн хэвээр байна Олон улсын өсвөрийн энтрепренерүүдийн уралдаан зарлагдлаа Олон улсын шуудан илгээмжээр дамжуулан мансууруулах бодис улсын хилээр нэвтрүүлсэн хэргийг шүүхэд шилжүүлжээ Ойрын хоногуудад нутгийн баруун хагаст өдөртөө хүйтний эрч бага зэрэг суларна Нидерландад бүлэг хулгайч нар 2500 жилийн настай алтан дуулга болон бусад эртний эдлэлийг тоножээ ФОТО: Хүүхдийн гэгээлэг ертөнц ФОТО: Хүүхдийн гэгээлэг ертөнц

УИХ-ын чуулганы хуралдаанаар Төрөөс мөнгөний бодлогын талаар 2022 онд баримтлах үндсэн чиглэл батлах тухай тогтоолын төслийг хэлэлцлээ.

Хэлэлцэж буй асуудалтай холбогдуулан гишүүд асуулт асууж хариулт авах үеэр УИХ-ын гишүүн Б.Энхбаяр Монгол банкны Ерөнхийлөгч Б.Лхагвасүрэнгийн хүү Л.Тэмүүжин Хөгжлийн банканд ажилладаг эсэхийг тодрууллаа.

УИХ-ын гишүүн Б.Энхбаяр: Сангийн сайд Хөгжлийн банкийг дампуурсан гэж мэдэгдэж байгаа. Монголбанк энэ асуудал дээр ямар дүгнэлт хийж байгаа вэ? Цаашид Хөгжлийн банк энэ чигээрээ байх ёстой юу, дампуурах ёстой юм уу? Хугацаа хэтэрсэн өрүүд яах вэ?

Хэвлэл мэдээллийн хэрэгслээр Хөгжлийн банкны нэг газрын захирал нь таны хүүхэд гэж гараад байна. Энэ үнэн юм уу? Хэрвээ үнэн бол ёстой болохгүй асуудал. Яагаад гэхээр Хөгжлийн банканд шалгалт хийж, тайлагнаж байх ёстой байгууллага нь Монголбанк. Тэгэхээр энэ асуудал хэрвээ үнэн бол маш том ашиг сонирхлын зөрчил болно гэв.

Монгол банкны Ерөнхийлөгч Б.Лхагвасүрэн: “Манай хүү Л.Тэмүүжин Хөгжлийн банкийг анх байгуулагдсан үеэс нь ажилтнаас нь, мэргэжилтнээс нь эхлээд ажиллаад, сая сүүлд шинээр томилогдсон удирдлагын багт нь нэг газрыг толгойлохоор томилогдсон юм байна лээ. Монголбанк дотоод үйл ажиллагаанд нь оролцдоггүй. Монголбанкны хянан шалгалт гаргаж байгаа шийдвэр, зааварт нь нөлөөлдөггүй. Харьцааны үзүүлэлт буюу энэ банк хэвийн ажиллах нь уу, эрүүл байх нь уу, ямар юман дээр анхааруулга эрсдэл байна гэдгийг нь дүгнэж явдаг л байгууллага л даа.

Хөгжлийн банк өөрөө хуультай. Агентлаг ч юм шиг, банк ч юм шиг байгууллага. Монголбанк олон улсын стандартын дагуу хяналтаа тавьж байгаа. Хөгжлийн банкны нийт активын 50 хувь чанаргүй болсон байгаа. 2015 оноос өмнө гарсан зээлүүд өнөөдрийн үнэлэмжээр чанаргүйд тооцогдож, шийдэгдэхгүй явж байна. Төв банкны зүгээс чанаргүй активыг хэрхэн шийдэх талаар мэргэжлийн зөвлөгөө өгч байгаа” гэв.

Монгол банкны Ерөнхийлөгч Б.Лхагвасүрэнгийн хүү Л.Тэмүүжин Хөгжлийн банкны Хөрөнгийн удирдлагын газрын захирлаар ажилладаг юм байна.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.