Энэ оны тавдугаар сард хоёр настай бяцхан охин төрсөн эцэгтээ хүчирхийлүүлсэн байж болзошгүй гэсэн мэдээллийг түүний ээж олон нийтэд мэдээлж тусламж хүсч байсан билээ. Хохирогчийн ээж өчигдөр мдахин мэдээлэл хийж олон нийтийн өмнө бидэнд тус болно гэсэн олны танил хүмүүс тус болоогүй гэх мэдээллийг бас өгсөн. Тэгвэл өнөөдөр дуучин Ч.Уранхолбоо хохирогч охины ээжид туслахаар хоёр өмгөөлөгчид хөлсийг нь төлөн өмгөөллийн үйлчилгээнд нь тусалж байгаа тараал мэдээлэл өглөө.

Тэрээр хохирогчийн ээжид хууль эрх зүйн тусламж үзүүлэх үүднээс хоёр өмгөөлөгчийн хөлсийг нь төлж өмгөөллийн үйлчилгээ үзүүлж байсан боловч тухайн өмгөөлөгчид тодорхойгүй шалтгаанаар "Өмгөөллийн үйлчилгээ үзүүлэх боломжгүй"  гэх тайлбараар тухайн хэргийг өмгөөлөхөөс татгалзсан талаар мэдээллээ. Мөн СХД-ын удирдлагууд, нөлөө бүхий хүмүүс  "Охин ээж хоёрт хүнсний тусламжийг бид үзүүлсэн. Одоо ингээд л орхичих" гэж хэлэхэд нь чихэндээ ч итгэж чадаагүй. 

Шүүх эмнэлгийн эхний дүгнэлт "Охины онгон хальс цоорсон" гэх дүгнэлт гарсан. Гэхдээ дахин ямар шалтгаанаар нь мэдэгдэхгүй хоёр удаа үзлэг шинжилгээ хийгээд охинд "Гэмтэл учраагүй" гэх дүгнэлт гаргасан. Яагаад үндэслэлгүйгээр эхний дүгнэлтийг нь орхин хоёр, гурав дахь дүгнэлтийг үндэслэж байгаа ойлгохгүй байна. Энэ хэргийг орхихгүй" гэсэн юм.