"Easy On Me" дуугаараа эргэн ирэлтээ хийсэн Их британийн хөгжмийн супер од Адель ирэх зун Лондонгийн Хайд Паркт хоёр тоглолт хийхээр төлөвлөж байгаагаа албан ёсоор мэдэгджээ.

Тоглолтоо ирэх оны долдугаар сарын 1, 2-нд зохион байгуулах тов гаргасан бөгөөд фэнүүд нь тасалбарын худалдаанд урьдчилсан бүртгүүлэх гэж түүний сайт /https://www.adele.com/-ыг сайтыг гацахад хүргэсэн байна. Мөн Хайд Паркын онлайн сайтад Аделийн тоглолтын тасалбарын худалдаан урьдчилан бүртгүүлэх гэсэн хүмүүсийн сэтгэгдэлд дарагджээ.

"Хайд Парк дахь @Adele-ийн урьдчилсан худалдаанд бүртгүүлэх гэж оролдсон ч бүртгүүлсэн ч бүтэхгүй байна! Миний бодлоор сугалаанд хожих нь эдгээр тоглолтын тасалбар авахаас хамаагүй хялбар юм" Вэбсайт дээрх борлуулалтын өмнөх бүртгэлийн таб дээр дарахад "Одоогоор боломжгүй байна, дараа дахин оролдоно уу" гээд бүртгүүлж болохгүй байгааг ч фенүүд нь бичиж үлдээжээ.

Дуучин Адель “25” нэртэй цомгоо олны хүртээл болгосноос хойш зургаан жил орчмын дараа шинэ уран бүтээлтэйгээр уулзсан юм. Мөн Адель гурван жилийн турш ажилласан “30” нэртэй цомгоо арваннэгдүгээр сарын 19-нд гаргах юм байна.