Махчин загас буюу акулыг хүн агнадаг машин гэсэн ойлголт олон арван жилийн турш кино, номд байсаар ирсэн. Гэсэн хэдий ч акулууд хүмүүсийг зориудаар агнадаггүй гэдэг нь шинжлэх ухааны туршилтаар батлагджээ. 

Махчин загас нь ихэд ухаалаг анчид бөгөөд хүнтэй холбоотой аливаа халдлага нь таних тэмдгийг андуурсан тохиолдол байдаг гэнэ. Жишээлбал серфингийн тамирчид акулын дайралтанд өртөх эрсдэлтэй байдаг ч акул далайн эрэг эсвэл тэднийг өөр төрлийн хоол гэж андуурсантай холбоотойгоор дайрдаг гэнэ. 

Энэ талаар Австралийн Сидней дэх Маккуари их сургуулийн судлаачид акулын нүдээр харах туршилт хийжээ. "Энэхүү судалгааны үр дүнд махчин загас нь аливаа зүйлийг доороос нь харж байдаг учраас хүн усанд сэлэх эсвэл сэлүүрт завь сэлүүрдэх зэрэг нь өсвөр насны цагаан акулуудын нүдээр далайн хав, далайн арслантай маш төстэй болохыг тогтоожээ. 

серфингээр сэлж буй хүн доороосоо ингэж харагдана 

2021 он гэхэд дэлхий даяар 72 акулд хазуулсан тохиолдол бүртгэгдсэн гэж trackingsharks.com мэдээллээ. Эдгээр халдлагын долоо нь хүний ​​аминд хүрсэн бол тав нь өдөөн хатгасан гэж тус сайт мэдээлж байна. Бүх халдлагыг олон нийтэд мэдээлж, баталгаажуулсан. Мөн 2019 онд Маккуарийн их сургуулийн судлаачид акулууд хүнийг хазах тохиолдол ховор боловч сүүлийн 20 жилийн хугацаанд "их хэмжээгээр" өссөн байна. Хэдийгээр махчин загас нь хүмүүсийн дунд аймшигтай амьтан гэх нэр тодотголтой нь тэдний тоо толгой буурч байна гэж Дэлхийн байгаль хамгаалах сан (WWF) мэдэгдээд байгаа юм.