“Эрх зүйт ёс сан”-гаас Оксфордын их сургуулиас бэлтгэн гаргадаг товч танилцуулга  цувралыг албан есны эрхтэйгээр орчуулан уншигч таны гарт хүргэсээр байгаа билээ. Энэ удаад тус сангийн хамт олон Реймонд Ваксын  "Эрх зүй" товч танилцуулга,  Клаус Доддсын “Геополитик” товч танилцуулгыг эмхтгэн уншигчдын хүртээл болгожээ.

Реймонд Ваксын  "Эрх зүй" товч танилцуулга номонд хууль зүйн нэр томьёо, ойлголтуудыг Монгол улсын эрх зүйн тогтолцооны нийтлэг ойлголт, мэргэжлийн хэллэгтэй дүйцүүлэн зохиогчийн эрхийн дагуу монгол хэлнээ хөрвүүлж, тайлбарлаж, холбогдох жишээ тайлбарыг Монголын онцлогт нийцүүлэн өөрчилжээ.

Харин Клаус Доддсын “Геополитик” товч танилцуулга номд дэлхийн улс төр, геополитикийн үндсэн ухагдахууныг телевиз, спорт, газрын зураг, гэх мэт өргөн хүрээний жишээгээр дамжуулж, өдөр тутмын амьдралд хэрхэн илэрдгийг энгийнээр өгүүлсэн байна. Ингэхдээ сүүлийн үед дэлхий нийтийн салшгүй хэрэглээ болсон цахим орчинг ихээхэн онцолсон бөгөөд хэвлэл мэдээлэлд төвлөрсөн олон нийтийн геополитикийг хэрхэн судалж болохыг энгийнээр тайлбарлажээ. 

Дашрамд сонирхуулахад “Эрх зүйт ёс сан” нь Монгол Улсын ирээдүй болсон оюутан залуусын боловсролыг дэмжих зорилгоор хууль зүй, улс төр, нийгмийн ухааны салбарын дэлхийн сонгодог 20 гаруй бүтээлийг эх хэлнээ орчуулан хэвлүүлж гаргаж байсан туршлагатай юм.