“Хиймэл оюун ухаан болон маркетингийн судалгааны интеграци” сэдэвт Ази, Номхон далайн судлаачдын чуулган Монголд болох гэж байна. Чуулганд Ази, Номхон далайн 11 улсын топ 50 гаруй маркетингийн судалгааны агентлаг, 800 гаруй бизнесийн байгууллагын төлөөлөгчид оролцох юм байна. Азийн топ экспертүүдийн илтгэлийг сонсож, воркшопд  оролцсоноор tech, дата аналитик суурьтай, хүн төвтэй бизнес процессын шилжилт, дижитал худалдан авалтын замнал, маркетинг судалгаанд хиймэл оюун ухаан ашиглаж буй олон улсын шилдэг туршлагуудаас суралцах боломжтой ажээ.

Мөн Монголын топ компаниудын “СEO 2023” судалгааны тайлангийн нээлт хийж ирсэн хүн бүрд тайланг бүрэн эхээр нь дижиталаар хүргүүлэх юм байна.

Чуулга уулзалтад оролцсоноор салбартаа 30-аас дээш жил ажилласан Азийн топ экспертүүдээс дараах зүйлсийг суралцах боломжтой гэдгийг зохион байгуулагчид онцоллоо.

• Маркетингийн судалгаанд хиймэл оюун ухаан ашиглах шинэ боломжууд,,
• Зан төлөвийн эдийн засгийг маркетингд ашиглах,
• Хүн төвтэй бизнес хөгжүүлэлтийн процесс ба дизайн сэтгэлгээ,
• Дижитал худалдан авалтын замнал,
• E спорт онлайн тоглоом X, Y үеийнхэнд нөлөөлөх Азийн N1 суваг болж буй талаар,
• Хэрэглэгчийн туршлагыг судлах, сайжруулах замаар дэлхийд тэргүүлэх Хятадын автомашины салбарын бодит туршлага,
• Топ 50 CEO-гийн судалгаанаас Монголын болон Глобал бизнесийн 2024 оны тренд харьцуулалт, тулгамдаж буй асуудлуудын талаар гүнзгийрүүлэн судалсан хамгийн сүүлийн үеийн үр дүнтэй танилцаж, networking хийх.

Чуулганы дэлгэрэнгүй мэдээллийг авахыг хүсвэл энд дарна уу.