Улаанбаатар хотын түгжрэлийг бууруулахад жил бүр 420 тэрбум төгрөгөөс доошгүй мөнгийг зарцуулж байхаар Засгийн газар 2021 онд шийдвэрлэсэн. Энэ шийдвэрийг хэрэгжүүлэх үүргийг нийслэлийн Засаг дарга асан Д.Сумъабазар болон Хотын асуудал эрхэлсэн сайд асан Ж.Сүхбаатар нар хариуцсан. Энэ хүрээндээ нэг бүр нь 400 сая ногоон автобус, нэг бүр нь 275.1 сая төгрөгийн үнэтэй улаан автобусыг оруулж ирэхдээ төрийн мөнгийг дундаас зувчуулсан, луйвар хийсэн, авлига авсан байж болзошгүй баримт, нотолгоо илэрсэн.

Гэвч Хотын даргаар томилогдсон Х.Нямбаатар саяхан мэдээлэл хийж, "Автобусны асуудлаар зарим хүмүүсийг АТГ-т өгч шалгуулна" гэж мэдэгдсэн. 

Гэтэл тэрбээр энэ үеэрээ татвар төлөгчдийн 318 тэрбум төгрөгөөр авсан "Ногоон автобус", үүнийг удирдлагаар хангаж байсан Д.Сумъяабазар талаар огт дурсаагүй. Харин ч хаа байсан 2009 оны автобусны худалдан авалтыг ярьж, Х.Баттулга, С.Баярцогт нарыг буруутгасан. Өөрөөр хэлбэл МАН-ынхан өөрсдийн хулгай, луйврыг нуухын тулд АН-руу чихэж сууна. Үүндээ иргэдийг итгэнэ гэж бодсон уу эсвэл 2009 онд оруулж ирсэн автобусыг сая оруулж ирсэн ногоонтой зүйрлэсэн үү гэдэг нь ойлгогдохгүй юм.

Тэгвэл хотын дарга Х.Нямбаатараас асууя. 318 тэрбум төгрөгөөр авсан "Ногоон автобус", түүнийг удирдлагаар хангаж ажиллаж байсан Д.Сумъяабазарыг хэзээ шалгах вэ гэдэг асуулт хариултгүй хэвээр үлдэж байна.