БЗД-ийн 26 дугаар хороо Дүнжингаравын уулзварт 60тонн газ тээвэрлэж явсан автомашин зам тээврийн ослын улмаас дэлбэрч шатаж байна гэсэн дуудлага өнөөдөр буюу 2024.01.24-ний шөнийн  01:07 цагт иржээ.

Дуудлагын дагуу Гал түймэр унтраах, аврах 10, 14, 18, 26, 35, 63 дугаар анги болон Аврах ангийн алба хаагчид үүрэг гүйцэтгэсэн байна.

Цагдаагийн байгууллагаас "Нарийн тоо мэдээ гарах болоогүй. УОК, Цагдаа, Дүүргийн онцгой байдал зэрэг газраас өндөржүүлсэн бэлэн байдалд ажиллаж байна. Одоогийн байдлаар гурван хүн эндсэн, 19 хүн эмнэлэгт хүргэгдсэн мэдээлэл байна" гэж мэдээллээ.

ОБЕГ-ын дарга Г.Ариунбуян  "Үүссэн нөхцөл байдалтай холбогдуулан шадар сайд, ОБЕГ-аас нэгдсэн байдлаар ажилласан. Урьдчилсан байдлаар шидэгдсэн ёмкость өртөж онцгой байдлын гурван алба хаагч амь насаа харамсалтайгаар алдлаа. Газ тээвэрлэж явсан автомашин тойрог дээр хөдөлгөөн үйлдэж явахдаа давхар хий эргэж суудлын автомашинтай мөргөлдсөнөөр дэлбэрэлт үүссэн." гэв.

Ослын эргэн тойрны байруудын цахилгааныг шөнө хязгаарлаж, өглөө эргүүлэн залгажээ. Тус хорооны иргэн "Шөнө их дуу чимээ гарсан. Хүмүүс салют буудуулж байна гэж бодтол хий дэлбэрчээ" гэж ярив. 

-Дэлбэрэлтийн улмаас түр хаасан ЗАМУУД-