‘’Tesla’’ компанийн захирал Элон Маск цахилгаан машин үйлдвэрлэгч хүн дүрстэй роботууд ирэх жилээс үйлдвэрлэж эхлэнэ хэмээжээ.

Маск өөрийн цахим хуудсандаа ‘’Tesla’’ робот ашиглаж эхлэх ба 2026 он гэхэд худалдаанд гаргаж эхлэхээр төлөвлөж байгаа гэж бичжээ. ‘’Tesla”-ийн автомашины эрэлт суларч байгаатай холбогдуулж компанийн зардлаа бууруулах шаардлагатай байгаа үед ийнхүү энэ мэдэгдлийг хийсэн байна. Компаний ашиг орлогын хэмжээ дөрөвдүгээр сараас зургаан сарын сүүл хүртэл 2.7 тэрбум доллараас 1.5  тэрбум доллар болтлоо бараг тал хувиар буураад байгаа билээ.

Мягмар гарагт хөрөнгө оруулагчддаа ‘’Бид компанийн нийт зардлыг бууруулахад гол анхаарлаа хандуулж ажиллана’’ хэмээн мэдэгджээ.

Технологийн тэрбумтан маань “Optimus” нэртэй роботыг энэ оны эцэс гэхэд ‘’Tesla”-ийн үйлдвэрүүдэд ашиглахад бэлэн болно гэж найдаж байгаагаа өмнө нь хэлж байсан. Бусад компаниуд буюу ‘’Honda’’, ‘’Boston Dynamics’’ мөн адил өөрсдийн хүн дүрстэй роботуудыг хөгжүүлсээр байгаа билээ.

Ерөнхийдөө бие даасан хүн дүрстэй роботууд ихэвчлэн аюултай, үйлдвэрийн байнгын эсвэл сонирхолгүй ажил үүргүүдыг ихэвчлэн гүйцэтгүүлэхээр анхаарч бүтээнэ гэдгээ мэдэгдээд байгаа юм.

Мөн өртгийн хувьд 20.000 ам.доллар(17.900 ам.доллар) байхаар тус тус роботуудыг ихээр үйлдвэрлэхээр төлөвлөж байгаагаа өмнө нь дурдсан.

2019 онд ‘’Tesla’’ компани өөрийгөө удирдан жолоо барьдаг таксиг тухайн жилдээ гаргана хэмээн итгэлтэйгээр мэдэгдэж байсан. Энэ жилийн эхээр удаан хүлээгдсэн робо такси наймдугаар сарын 8-ны өдөр нээлтээ хийнэ гэсэн боловч хойшлогдсон аж.

Эх сурвалж: BBC.com

Бэлтгэсэн: О.Янжинлхам