Их Британид хэдгэний тоо толгойг хянах хангалттай арга хэмжээ авахгүй байгаа тул тоо толгой буурч байна гэж тэргүүлэх мэргэжилтэн анхааруулав.

Зөгий, эрвээхэй зэрэг зарим сээр нуруугүй шавьжнуудыг хянах үндэсний хөтөлбөр байдаг бол харин хэдгэнэд байхгүй гэж байгалийн түүхийн музейн эрхлэгч доктор Гэвин Броад хэлсэн байна.

Энэ жил чийглэг хүйтэн цаг агаартай байсан нь тэдний тоо толгойг бууруулах нөхцөл болсон гэж цэцэрлэгчид, мэргэжилтнүүд, хортон шавьж хянагч нар үзэж байгаа юм.

Боард хэлэхдээ зөвхөн энэ мэдээлэл үндсэн гол шалтгаан биш хэмээжээ.

Тэрбээр: "Бидэнд харамсалтай нь хэдгэний тоо толгойн талаарх хангаллтай мэдээлэл одоогоор байхгүй. Энгийн хэдгэнэ [Vespula vulgaris] болон герман хэдгэнэнүүд [Vespula germanica] ихсэж, цөөрөх төлөвтэй байдаг нь цаг агаарын байдлаас үүдэлтэй байж магадгүй ч тодорхой тоон мэдээлэл байдаггүй."

Их Британид цаг агаарын эрс тэс уур амьсгалтай байгаа бөгөөд энэ нь ширүүн болон ойр ойрхон бороо орох, улирлын гэнэтийн өөрчлөлттэй байх тун өндөр магадлалтай хэмээн цаг уурын албаныхан мэдээллэв. Энэ нь газарт үүрээ засдаг, үерт мэдрэмтгий хэдгэнэ зэрэг амьтдад нөлөөлдөг.

Тоос хүртээгчдийн тоо толгой эрс буурч байгаагаас; 400 орчим зөгий, ховерфлайн судалгаагаар 1980 оноос хойш Их Британид 42%-иар бага тархалттай болсныг тогтоожээ. Энэ нь эрчимтэй газар тариалан, бүтээн байгуулалтын улмаас хүнсний ургамал, амьдрах орчны хомсдол, уур амьсгал зэрэгтэй холбоотой гэж үзэж байна.

Эх сурвалж: The Guardian

Бэлтгэсэн: О.Янжинлхам