"20К" клубынхэн Багануурын уурхайн үйл ажиллагаатай танилцлаа

“Hulegu Pictures”, “Favway”-ийн хамтын бүтээл "Хүлээх өрөө" нээлтээ хийнэ Л.Оюун-Эрдэнэ: “2040 он хүртэлх хөгжлийн ерөнхий төлөвлөгөө”-нд “Амьдрахад таатай орчин бүрдсэн амьд хот” бүрдүүлэх төлөвлөлт хийсэн Анхны Ерөнхийлөгч П.Очирбат таалал төгссөнтэй холбогдуулан гадаад улсын төр, засгийн тэргүүнээс эмгэнэлийн захидал ирүүлэв Зам, тээврийн хөгжлийн яаманд ЗӨВЛӨМЖ хүргүүлжээ Монгол Улсын Ерөнхийлөгч У.Хүрэлсүх анхны Ерөнхийлөгч П.Очирбат агсанд хүндэтгэл үзүүлэх төрийн ёслолын ажиллагаанд үг хэллээ Сэлбэ дэд төвийн газар чөлөөлөлт 80 гаруй хувьтай үргэлжилж байна Сэлбэ дэд төвийн газар чөлөөлөлт 80 гаруй хувьтай үргэлжилж байна ФОТО: Цаг мөч нь эгзэгтэй таарсан гэрэл зургууд Монгол Улсын анхны Ерөнхийлөгч П.Очирбатын нэрэмжит гудамжтай болжээ Сургуулийн үдийн хоолны шим тэжээлийн байдал сайжирчээ Гашуудал зарласантай холбогдуулан бөхийн барилдааны хуваарьт өөрчлөлт оруулжээ Маргааш Ерөнхийлөгч агсан П.Очирбатыг сүүлчийн замд үдэх арга хэмжээнд зам хаах чиглэлүүд ШУТИС-ийн Геологи, уул уурхайн сургуулийг Монгол Улсын анхны Ерөнхийлөгч П.Очирбатын нэрэмжит болголоо АТГ: 2024 онд 16512 нэр дэвшигчийн ХАСУМ-ийг хянаж, хариуг хүргүүлэв Нийт нутгийн 60 орчим хувьд цастай байна

Нийгмийн сайн сайхны төлөө үргэлж зөвийг санаачилж байдаг, мөн зөв үйл хэрэгт уриалан дууддаг хамгийн олон гишүүнтэй 20К клубын хамт олон өнгөрсөн долоо хоногт Багануурын уурхайг зорьж, уурхайн үйл ажиллагаатай танилцлаа. 20к клубынхэн #brandTrend хэмээх аян зохион байгуулаад нэлээд хугацаа өнгөрсөн. Энэ аян нь клубын гишүүдийн аялал төдий биш бөгөөд улс орныхоо өнцөг булан бүрийн гайхамшигт сайхан байгаль, хүн ам, ёс заншил, дотоодын үйлдвэрлэл, томоохон бүтээн байгуулалт, тулгараад байгаа бэрхшээлүүд, шийдэх гарцад анхаарал төвлөрүүлж, олон нийтэд хүргэдэг.

Багануурт амьдрал, ажил буцалж байна. Хүүхдүүд нь нүдэндээ галтай, хүмүүс нь ажил хөдөлмөртөө дуртай юм. Ирсэн зочиддоо Багануурынхан уурхайтайгаа танилцуулахын зэрэгцээ өөрсдийн ажил мэргэжилтэй холбоотой гэнэтийн сюрпризтэй угтлаа. Багануурын Онцгой байдлын хэлтэс, Цагдаагийн хэлтэс, Эмнэлэг хамтарсан сургуулилт хийдэг юм байна. Энэ удаагийн суургуулилтад 20К гишүүд ч оролцлоо. Онцгой нөхцөл байдалд хэрхэн хүний ам аврах, анхны тусламж яаж хүргэх зэрэг олон зүйлийг клубын гишүүд суралцлаа. Тэгээд болоогүй ээ, уурхайн үйл ажиллагаатай холбоотой танилцаж, нөхцөл байдлыг бодитоор ойлголоо. Энэ талаараа ч Монголын хамгийн олон дагагчтай сошиал инфлүүзрүүд өөрийн цахим хуудсаараа хэд хоног л “нүдлээ”.

Газар дээр нь очиж танилцахад хүнд нөхцөлд байгаа ч Багануур ХК-ийн 1100 гаруй ажилчид нүдэндээ галтай, нүүрэндээ цогтой, ирээдүйдээ итгэлтэй, хамгийн гол нь уурхайдаа хайртай, эх орныхоо голомтыг сахих үүргээ нэр төртэй биелүүлж, үүрэг хариуцлагаа ухамсарласан бахархам хамт олон санагдсан. Санхүүгийн хувьд алдагдалтай байгаа ч тэд үйлдвэрлэлтийн төлөвлөгөөт зорилтоо 100-аас дээш хувь биелүүлсэн байна лээ. Сэтгэлтэй зүтгэлтэй ийм хамт олныг нэг л дэмжээд өгчихвөл сэпхийгээд л босоод явчихна даа гэж өөрийн эрхгүй бодогдсон. Уг нь Багануурын уурхайн өнгө зүс, ажилчдын уйгагүй хөдөлмөр, удирдлагын арга барил, хичээл зүтгэл ер дутаагүй юм билээ. Гэвч нийслэлийг тогтой байлгахад өдөр шөнөгүй зүтгэж байгаа тус уурхай руу төр засгийн бодлогоор анхаарал хандуулах цаг болсныг энэ дашрамд дуулгая.

Д.Хүслэн

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.