УИХ-ын дэд дарга Х.Булгантуяа Британийн парламентын ОУПХ-той харилцах бүлгийн гишүүдтэй уулзлаа

Олон улсын стандартад нийцсэн анхны шүүхийн зориулалттай цогцолбор барилга Архангай аймагт ашиглалтад орлоо "1072 хувьцаа" нээлттэй өдөрлөг Дархан, Орхон, Сэлэнгэ аймагт зохион байгуулагдана Онцгой байдлын алба хаагчид 5 иргэнийг авран хамгаалж, 27 иргэнийг утаажилтын бүсээс гаргалаа Монгол Улсын Ерөнхий сайд Н.Учрал Япон Улсад албан ёсны айлчлал хийнэ Нийтийн тээврийн зарим чиглэлд шинээр зогсоол нэмэгджээ Нийтийн тээврийн зарим чиглэлд шинээр зогсоол нэмэгджээ УИХ-ын дарга С.Бямбацогт: Парламентын үйл ажиллагааг олон нийтэд илүү ил тод, хүртээмжтэй болгоход залуусын оролцоо, шийдэл чухал ач холбогдолтой Ерөнхийлөгч У.Хүрэлсүх НҮБ-ын Ерөнхий нарийн бичгийн даргатай уулзлаа Нийслэлийн есөн дүүргийн 152 цэгт шинэ ургацын ногоо худалдаалж байна ОБЕГ: Эрдэм шижилгээний хуралд оролцохыг урьж байна Хууль зүй, дотоод хэргийн салбарын Нягтлан бодох бүтгэлийн нэгдсэн цахим системийг нэвтрүүллээ Т.Жамбалцэрэн: Монгол малчид дөрвөн улирлын онцлогт тохируулан бэлчээр сэлгэж, улирлын нүүдэл хийж ирсэн улалмжлалтай. Ингэснээр бэлчээрийг амрааж, хөрсийг нөхөн сэргээх боломж бүрддэг Нэгдсэн хүчээр илүү сайхан, энх амгалан дэлхий ертөнц бүтээхийг уриаллаа Улаанбаатарт оройдоо бага зэргийн бороо орно Өнөөдөр ихэнх нутгаар цаг агаар тогтуун, өдөртөө дулаан байна

Монгол Улсын Их Хурлын дэд дарга Х.Булгантуяа, Улсын Их Хурлын гишүүн О.Номинчимэг, Г.Хосбаяр, Улсын Их Хурлын Ерөнхий нарийн бичгийн дарга Б.Баасандорж нар Швейцарын Холбооны Улсын Женев хотноо болж буй Олон улсын парламентын холбоо (ОУПХ)-ны 149 дүгээр Ассамблей болон Парламентын Ерөнхий нарийн бичгийн дарга нарын нийгэмлэгийн чуулга уулзалтад оролцож байгаа билээ.

Улсын Их Хурлын дэд дарга Х.Булгантуяа тэргүүтэй төлөөлөгчид өнөөдөр (2024.10.15) Их Британи, Умард Ирландын Нэгдсэн Хаант Улсын парламентын ОУПХ-той харилцах бүлгийн гишүүдтэй уулзлаа.

Улсын Их Хурлын дэд дарга Х.Булгантуяа Их Британи Улс өнгөрсөн 07 дугаар сард парламентын сонгуулиа амжилттай зохион байгуулж, Нийтийн танхимын гишүүнээр сонгогдсон төлөөлөгчид болон Лордуудын танхимын гишүүдтэй уулзаж буйдаа баяртай байгаагаа илэрхийлэв.

Тэрбээр, Монгол Улсын Их Хурал ээлжит сонгуулиа мөн энэ оны 06 дугаар сард амжилттай зохион байгуулж, Монгол Улсын Үндсэн хуульд орсон өөрчлөлтийн дагуу анх удаа таван нам, эвслийн төлөөллөөс 126 гишүүн сонгогдсныг тэмдэглээд, сонгуулийн дүнд Улсын Их Хурал дахь эмэгтэй гишүүдийн тоо 32, нийт гишүүдийн 25.4 хувийг эзэлж байгаа нь монголын парламентын түүхэнд хамгийн өндөр үзүүлэлт гэлээ. Мөн Улсын Их Хурал дахь Монгол-Британийн найрамдлын бүлэг өнгөрсөн 09 дүгээр сард албан ёсоор байгуулагдсыг дурдав.

Түүнчлэн, өмнө нь хойшлогдсон Их Британийн парламентын төлөөлөгчдийн Монгол Улсад хийх айлчлал энэ удаад амжилттай хэрэгжиж, хоёр улсын хууль тогтоох байгууллага хоорондын хамтын ажиллагаа өргөжинө гэдэгт итгэл дүүрэн байна хэмээлээ.

Их Британийн парламентын төлөөлөгчдийн ахлагч, ОУПХ-ны Удирдах зөвлөлийн гишүүн А.Собел монголын парламентын дэд дарга Х.Булгантуяа тэргүүтэй төлөөлөгчидтэй уулзах завшаан гарсанд баяртай байна гээд, ардчиллын үнэт зүйлсийг эрхэмлэсэн Монгол Улсын өнөөгийн улс төр, нийгэм, эдийн засгийн нөхцөл байдалтай танилцах зорилтын хүрээнд Монгол Улсад хийх айлчлалыг хэрэгжүүлэхэд бэлэн буйгаа илэрхийлэв.

Талууд энэхүү айлчлал хоёр талын цаашдын хамтын ажиллагаанд ихээхэн ач холбогдолтой болно гэдэгт санал нэгдэв.

Мөн өдөр Улсын Их Хурлын гишүүн О.Номинчимэг НҮБ-ын Хүний эрхийн зөвлөлийн төлөөлөлтэй уулзаж, Монгол Улс дахь Хүний эрх, эрх чөлөөтэй холбоотой асуудлаар хэрхэн хамтран ажиллах талаар санал солилцлоо

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.