Засгийн газрын Хяналт хэрэгжүүлэх газрын дарга Ч.Өнөрбаяр Франц Улсын элчин сайдыг хүлээн авч уулзлаа

Нийт шүүгчийн хуралдаанаар улс төрийн намтай холбоотой асуудлыг шийдвэрлэлээ Нийтийн эзэмшлийн гудамж, талбайг усалж чийгшүүлэх ажлыг эрчимжүүлэхийг үүрэг болголоо Ахмад настнуудад 100,000-300,000 төгрөгийн суурь тэтгэвэр шинээр олгоно Монгол Улсад 418,732 жуулчин иржээ Хууль бусаар худалдаалсан 189 сая төгрөгийн үнэ бүхий малын эмийг хураан авч, тусгай зөшөөрлийг цуцалжээ Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуульд нэмэлт, өөрчлөлт оруулах тухай хуулийн төсөл өргөн мэдүүлэв Монгол улс, БНСУ хоёр улс жолоодох эрхийг харилцан хүлээн зөвшөөрөх боломжтой боллоо Газрын тухай хуульд нэмэлт, өөрчлөлт оруулах тухай хуулийн төсөл өргөн мэдүүлжээ Улсын хэмжээнд 530.4 мянган га талбайд тариалалт хийгээд байна Өнөөдрөөс 18 нас хүрээгүй хүүхэд мопед, скүтер, суррон унахгүй Соёмботой уулыг сэргээн буджээ Манай улсад хувийн эрх зүйн хүрээнд дижитал хөрөнгийн эрх зүйн харилцааг зохицуулах шаардлага өндөр байна Төрийн албаны тусгай шалгалт өнөөдөр улсын хэмжээнд эхэллээ Улаанбаатарт +30 градус дулаан байна Эзэмшил, ашиглалтын газрын 50 метр хүртэлх талбайг угааж, өнгө үзэмжийг сайжруулан үүргээ хариуцлагатайгаар биелүүлэхийг уриаллаа

Засгийн газрын Хяналт хэрэгжүүлэх газрын дарга Ч.Өнөрбаяр 2025 оны дөрөвдүгээр сарын 10-ны өдөр Бүгд Найрамдах Франц Улсаас Монгол Улсад суугаа Онц бөгөөд Бүрэн Эрхт элчин сайд, хатагтай Коринн Пэрера-г хүлээн авч уулзан саяхан Засгийн газрын Хяналт хэрэгжүүлэх газрын төлөөлөгчдийн Францын Аудитын шүүхэд хийсэн ажлын айлчлалын талаар танилцуулж, хоёр байгууллагын хооронд харилцаа, хамтын ажиллагааны түүхэн шинэ хуудас эхэлсэнийг онцлон, дээрх айлчлалыг амжилттай хэрэгжүүлэхэд онцгойлон тус дэм үзүүлсэнд Элчин сайдад талархсанаа илэрхийлэв.

Уулзалтын явцад Засгийн газрын Хяналт хэрэгжүүлэх газрын үйл ажиллагааны чиг, үүрэг, хамтарсан засгийн газрын хөгжлийн хөтөлбөр, төслүүдийн талаар Элчин сайдад дэлгэрэнгүй танилцуулан Монгол, Францын харилцаа, хамтын ажиллагааг цаашид өргөжүүлэн гүнзгийрүүлэхэд Засгийн газрын Хяналт хэрэгжүүлэх газар Элчин сайдтай хамтран ажиллах чин эрмэлзлэлтэй байгааг илэрхийлэв.

Монгол, Францын хооронд дипломат харилцаа тогтоосны 60 жилийн ойн хүрээнд хоёр улсын харилцаа, хамтын ажиллагааны олон чухал үйл ажиллагаа өрнөхийг Элчин сайд мэдээлж хоёр улсын хянан шалгах байгууллагын хоорондын хэлхээ холбоосыг улам эрчимжүүлэхэд өөрийн зүгээс дэмжин ажиллах бүрэн боломжтойг онцоллоо.

Анхаар! Уншигчдын бичсэн сэтгэгдэлд https://garts.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.